লৈবাক অসীগী হান্নগী প্রাইম মিনিষ্টর রাজিব গান্ধী গী ৮১ শুবা মপোক কুম্মোন্দা ঙরাং মনিপুর প্রদেস কংগ্রেস কম্মিটি (এম পি সি সি) না, মীয়ামগী লুচিংবা অসীবু ঈকায়খুম্নবা ঊৎখিবগা লোয়ননা মহাক্না পামজরম্বা থবক থৌরমশিং অমসুং অপূনবা, মপাঙ্গল কল্লবা ইন্দিয়া অমা ওইননবা পায়খৎলম্বা মমল নাইদ্রবা থবকশিং অদূ তুংকোইনা য়োকখত্তুনা থম্ননবা পান্দমদা বাইক রেল্লি অমা ইম্ফাল দা লমথাদুনা পাঙথোকখ্রে।
ইম্ফালগী এসেম্বলী কন্সটিট্যুয়েন্সি ৭ শীন্থুংনা চত্থখিবা বাইক রেল্লি অদূ এম পি সি সিগী প্রসিদেন্ট কৈশাম মেঘচন্দ্র অমসুং কংগ্রেস লেজিসলেচর পার্টি (সি এল পি) লীদরসু ওইরিবা মনিপুরগী হান্নগী চিফ মিনিষ্টর ওক্রম ইবোবিনা শরূক য়াদুনা লমথাখি।
ৱাংখেম য়ূথ কংগ্রেস কম্মিটিগী প্রসিদেন্ট রোবিন্সন মোইরাংথেমসু শরুক য়াখিবা বাইক রেল্লি অদূ হান্নগী প্রাইম মিনিষ্টর রাজিব গান্ধীনা মঙজরম্বা মঙলানশিং ওইরিবা কম্যুনেল হারমোনি অমদি জাৎ, ধর্মা, অনেম- অৱাং খায়দনা নুংশি-চান্নবা হায়বদু ঐখোয়গী ঈরমদম মনিপুরদসু মতম চূপ্পগী ওইনা লৈরসনু, নুংশিনবা, চান্ন-চিন্ননা হিংমিন্নবগী শক্তম পুরক্ননবা, চাওখৎলবা, মপাঙ্গল কল্লবা মনিপুর অমা ওইহল্লসি হায়বা পান্দমদা পাঙথোকখিবনি।নেস্নেল ইন্টিগ্ৰেসন, শান্তি, মচীল-মনাও ওইবগী শক্তম অমসুং পূন্না চাওখৎমিন্নবা হায়বা রাজিব গান্ধীগী মঙলান মঙফাওনহল্লসি হায়বা পাউজেল পুখিবা রেল্লি অদূ মায় পাক্না, মীয়ামগী মপূঙফারবা সোলিদারিটিগা লোয়ননা লমথূঙফম য়ৌখি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে