মনিপুরদা হৌখিবা কুমশিং ২০২৫ গী ফেব্রুয়ারি ১৩ দগী এনিমেটেদ সস্পেন্সন চৎনহন্দুনা,মীয়ামগী লৈঙাক-সাসন মূত্থত্তুনা থম্লক্লিবসি অথূবা মতমদা লোইশিন্দুনা,হৌজিক লৈরিবা এসেমব্লী অসী দিজোল্ব তৌরগা নৌনা মীখল পাঙথোক্তুনা দেমোক্রেটিক লৈঙাক অমা লৈরক্লবা মতমদুদা মনিপুরদা শান্তি হঞ্জিলহনবা ঙম্লক্কনি।
পি আর থম্বা অসি কংগ্ৰেসনা য়াম্না কন্না রিজেক্ট তৌই হায়না পার্লিয়ামেন্টরি ষ্টেন্দিং কম্মিটি ওন রুরেল দিভেলপমেন্ট এন্দ পঞ্চায়েটি রাজগী চ্যেরপার্সন অমসুং এ আই সি সিগী মনিপুর ইন-চার্জ ওইনা লৈরিবা সপ্তাগিরি সঙ্কর উলাকা না ফোঙদোকখ্রে। বি জে পিনা লুচিংবা সেন্টরগী এন দি এ লৈঙাক্না এম জি এন আর ই জি এ স্কিম্বু নৌনা মমীঙ হোংদোক্লগা রামগী মমীং ওন্থোকখ্রিবা থৌওং অসি নোংমদি মীয়াম্না পারা তম্বিরকখিগনি হায়না মহাক্না ফোঙদোকখি।
ভিক্সিট ভারত গরেন্টি ফোর রোজগার এন্দ অজি ভিগা মিসন (গ্ৰামিন) এক্ট হায়দুনা মমীং ওন্থোকখ্রিবা থৌওং অসি মহাত্মা গান্ধীগী লেগেসিদা ঈকায়বা পীবনি হায়বা ৱাফমসু সপ্তাগিরি সঙ্কর উলাকা না ফোঙদোকখ্রে।ঙসীদগী ইম্ফালগী বি টি রোদতা লৈরিবা কংগ্ৰেস ভবন্দা হৌদোক্কদৌরিবা,এম জি এন আর ই জি এস কি মমীং হোংদোকখিবগী মায়োক্তা চত্থগদবা প্রোটেষ্ট লোঞ্চ তৌবগী থৌরম য়াওনবা ঙরাং ইম্ফালদা থুংলখিবা সপ্তাগিরি সঙ্কর উলাকা না ৱাফমশিং অসি ফোঙদোকখিবনি। এন দি এগী থৌওং অসী রুরেল ৱার্কররশিংগী রাইটতা ঈকায়বা পীদুনা অচৌবা চৈথেঙ পীবনি হায়নসু মহাক্না মখা তানা ফোঙদোকখি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে