হান্নদগী হৌনা অথিংবা লৈরিবা সিঙ্গল য়ুজ প্লাস্টিক কি পোৎলমশিং লাক্লিবা এপ্রিল ১৫ দগী অকনবা থবকশিং পায়খত্তুনা থিংবগী খোঙজঙ কন্সীল্লগনি হায়না থৌবাল দিষ্ট্রিক্টকি দিপ্যুটি কম্মিস্নার অহন্থেম সুভাসনা ফোঙদোকখ্রে।
দিষ্ট্রিক্ট অসিদা সিঙ্গল য়ূজ প্লাষ্টিক থিংবগী মতাঙদা দিষ্ট্রিক্ট অসীগী দিপ্যুটি কম্মিস্নারগী কনফরেন্স হোলদা পাঙথোকখিবা কন্সল্টেটিব ৱার্কশোপ অমদা ৱাফম অসী দি সি সুভাসনা ফোঙদোকখিবনি। থৌবাল দিষ্ট্রিক্ট তা মখাতানা পায়খৎকদবা এনফোর্সমেন্ট দ্রাইব ওন বেন ওফ সিঙ্গল য়ুজ প্লাষ্টিক অসিগী ইন্সপেক্সন অমসুং মোনিটরিংগী থবক পায়খৎননবা মীওই ২০/২০ না শাবা টিম ২০ শেম্লে হায়না মহাক্না ফোঙদোকখি।
দি সিনা মখাতানা হায়, মসিবু মপূঙফানা য়েংশিন্ননবা দিষ্ট্রিক্ট টাস্ক ফোর্স অমসু শেম্লে। এনফোর্সমেন্ট দ্রাইব অসীগী মনূঙদা ওফিস অমসুং ইদুকেস্নেল ইন্সটিটিউটশিংগী হেদশিংনা মখোয় মখোয়গী ওফিস অমসুং ইদুকেস্নেল ইন্সটিটিউট অদূগী অকোয়বা মফমশিং প্লাষ্টিক ফ্রী জোন ওইরে হায়বগী রিপোর্ট শিং পীখৎহল্লক্কনি। রিপোর্ট পূম্নমক থা অমগী মনূঙদা থারক্কদবনি হায়খি।
মরম অসীনা থৌবাল দিষ্ট্রিক্ট কি মনূঙদা সিঙ্গল য়ূজ প্লাষ্টিককি হোলসেল নত্রগা রিটেলদা য়োনবগী থবক তৌরিবা মীওইশিংনা অসিগুম্বা মখলগী প্লাষ্টিক কি পোৎলমশিং য়োনবগী থবক খূদক্তগী লেপ্পিয়ু হায়না দি সি সুভাসনা মখাতানা অকনবা ৱার্নিংগা লোয়ননা মীয়ামদা খঙহনখি।
You may also like
-
অসাম রাইফলসনা পল্লেলদা ঈ দান তৌখ্রে
-
ৱক্ফ এমেন্দমেন্ট এক্টকি মায়োক্তা নেস্নেল কনফরেন্স না ৱাকৎ-চেরোল থাঙ্গৎকদৌরি
-
মোরেগী দুকানশিংদা রেইদ চত্থবদা য়াম্লবা য়ুঙাঙ, য়ুঙৌশিং ফাগৎপা ঙমখ্রে
-
মনিপুর পুলিস য়াওবা কম্বাইন সেক্যুরিটি ফোর্স পার্সনেলশিংনা কে সি পি (পি দব্লিয়ু জি) গী এক্তিব কাদর অমা ফাগৎপা ঙমখ্রে
-
সি এম ঐচ টি, পি এম জে এ ৱাই কার্দ শেম-শাবগী থৌরম পাঙথোকখ্রে