হন্দক বিষ্ণুপুর দিষ্ট্রিক্টকি তোর্বূঙদা লৈবা মশা-মশাগী ময়ূমশিংদা হঞ্জিলহনখিবা মৈতৈ ফূরূপকি আই দি পিশিংদা বোম অমসুং নোংমৈগী এত্তেক চত্থদুনা অকী-অখঙ মায়োক্নহনখিবা থৌদোক্তুদা চেন্নবতা নত্তনা মনিপুরদা কাঙলূপকি ঈরাং থোক্ননবা শীনবা অমসুং অনৌবা পোপ্যুলর লৈঙাক অমা থম্নবগীদমক সেন্তরনা থৌরাং তৌরিবা অসিদা অকায়বা, অপনবা থোকহন্নবা হোৎনরকপা কয়া অসিগীদমক সস্পেন্সন ওফ ওপরেসন (সূ) দা য়াওদবা য়ু কে এন এগী কেম্প অমা ঙরাং অয়ূক থুগাইখ্রে।
চুরাচান্দপুর দিষ্ট্রিক্টকি মনূঙচন্না হেংলেপ সব-দিবিজনগী ইন্দো-ম্যান্মার বোর্দরগী মফম অমদা পেরা স্পেসিয়েল ফোর্সকি কম্মান্দোশিং অমদি আসাম রাইফলসকি কম্বাইন টিম অমনা চোপ্পর শীজিন্নদুনা কেম্প অদূ ঊফূল তানা থুগাইখিবনি হায়রি।য়ু কে এন এ হায়রিবা, সূ দা য়াওদবা খূৎলায় পায়বা মিলিটেন্ট কাঙবূ অসীগী কেম্প অয়াম্বা ইন্দো-ম্যানমার বোর্দর পরিংগী মনিপুর রোম থংবা মায়কৈদা লৈরি।
কাঙবূ অসীগী কাদর অয়াম্বদি সিভিল ৱার মায়োক্নরিবা,ইন্দিয়াগা য়ূম্লোন্নরিবা ম্যান্মারদগী লোন্না খূৎলায়গা লোয়ননা মনিপুরগী পোরস ওইবা বোর্দর পরীঙদা আইনগী ৱাংমদা চঙশীল্লক্লবা মতূঙদা মনিপুরদা থোক্লিবা কুকি-মৈতৈ অনীগী কনফ্লিক্ট অসীদা কুকি কাঙলূপ্তা তোংশিল্লগা ঈরাং হেন্না থোকহন্ননবা থবক তৌবা কাঙবূনি হায়রি। মীহাৎ-মীপুন কয়া নোন-সূ গ্ৰূপ অসীনা ঙসী ফাওবা চত্থদুনা লাক্লি। সেক্যুরিটি ফোর্সনা মখোয়গী মথক্তা অকনবা মীৎয়েং চঙদুনা ওপরেসনশিং মখাতানা চত্থখিগনি হায়রি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে