সেন্ট্রেল দ্রগস ষ্টেন্দর্দ কন্ট্রোল ওরগনাইজেসন (সি দি এস সি ও) না থাদোরকখিবা রিপোর্ট অমগী মতূং ইন্না, লাইব- সেবিং দ্রগশিংগী মনূংদা সাধারণ মীয়াম্না খ্বাইদগী কম্মন ওইনা খঙনরবা পেরাসিটামোল, ভিটামিন ৩দি টেব্লেটশিং য়াওনা দ্রগ মখল য়াঙ্খৈরোম ক্বালিটি টেষ্ট তৌরুবদা মশাগী য়াওফম থোকপা মতীক-মগুনশিং য়াম্না হন্থরম্বা, কম্পেনিগী মমিং লান্না ইরগা নপশিল্লম্বনচিংবা কয়ামরুম য়াওরম্বা থেংনরে হায়রি।
সি দি এস সি ওগী লিষ্ট তা ক্বালিটি টেষ্ট তা ফেল ওইরম্লে হায়রিবা দ্রগশিং অদূগী মনূংদা মীয়াম্না খ্বাইদগী কম্মন ওইনা খঙনরবা খরদি এন্টিএসিদ পেন-দি, পেরাসিটামোল, ব্লদ প্রেসর মেদিকেসনশিং, এন্টি-দাইবেটিস দ্রগশিং, ভিটামিনগী কাঙলূপশিং অমসুং কেলসিয়ম সপ্লিমেন্ট শিং য়াওরি হায়না ফোঙদোরক্লি।
দ্রগশিং অসী শারক্লিবা কম্পেনিশিংগী মনূংদা য়ুনিক্যুর ইন্দিয়া লিমিটেদ, হেটরো দ্রগস, হেল্থ বাইওটেক লিমিটেদ, আলকেম লেবোরেটরিজ, হীন্দুষ্টান এন্টিবাইওটিক্স লিমিটেদ, লাইব মেক্স কেন্সর লেবোরেটরিজ, প্যুর এন্দ ক্যুর হেল্থ ক্যের অমসুং মেগ লাইবসাইন্সেস অসীনচিংবশিংনি হায়রি।