ইম্ফাল ইষ্ট দিষ্ট্রিক্টকি মনূঙচন্না লৈরিবা পাঙ্গৈ খুঙ্গং অসীনা ষ্টেট অসীগী মনূঙদা খ্বাইদগী লূ-নানবদা অহানবা থাক্তা লৈহন্নবা পান্দমদা মীয়াম পূন্না থবক পায়খৎলক্লি।
চৎলিবা থা অসীগী তরেৎকি অয়ূক পূঙ তরেৎ চপচানা তাবদগী পাঙ্গৈ কৈথেল, খুঙ্গংগী মনূঙ অমসুং অকোয়বা মফম পূম্নমক্তা অমোৎ অকাই,ফত্ত-হৌদি লৈহন্দনবা শেংদোক্তুনা মফম চানা খোমজীন-তাশীন্দুনা লোইশিনবা, হাওসহোল্ড লিক্বিদ ৱেষ্ট, সোলিদ ৱেষ্ট নচিংবা পৈশিন্দুনা থমফম কয়ামরুম শেমদুনা থমখ্রে, লোয়ননা মফমশিং অদূদা মতম খরগী ওইনা ফত্ত-হৌদিশিং পৈশিন্দুনা থম্লবা মতূঙদা য়ামশীল্লক্লবা মতমদা মফম চানা দিস্পোজ তৌননবা থৌরাং পূম্নমক লৌখৎখ্রে।
স্বাচ ভারত মিসনগী পান্দম অমসুং গাইদলাইন মনূঙচন্না পায়খৎপা ক্লিনলিনেস দ্রাইব অদু মনিপুর পুলিস ট্রেনিং কল্লেজ পাঙ্গৈনা দিষ্ট্রিক্ট এদমিনিষ্ট্রেসন ইম্ফাল ইষ্ট, বিদিও, সওম্বুং,ৱাইতোন গ্ৰাম পঞ্চায়েট,খুন্দ্রাকপম গ্ৰাম পঞ্চায়েট,থৌগৈ পাঙ্গৈ বজার বোর্দ কম্মিটি, ৱিমন ৱেলফিয়র এসোসিয়েসন পাঙ্গৈ, গুরখা য়ূথ ক্লব-পাঙ্গৈ নেপালি অমসুং পাঙ্গৈ য়ূথ ক্লবকা পূন্না খূৎশম্নদুনা পাঙথোকখিবনি।
প্রোগ্ৰাম অদূদা মনিপুর পুলিসকি মকোকথোংবা ওফিসারশিং, ট্রেনিং চত্থরিবা রিক্রুটশিং, দিষ্ট্রিক্ট এদমিনিষ্ট্রেসন ইম্ফাল ইষ্টকি ওফিসীয়েল অমসুং ষ্টাফশিংসু থৱায় য়াওনা শরুক য়াখি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
নাগা-কুকি অনীগী উংখৎবা হন্থহন্ননবা দিখোনা লূপশিংগা উনখ্রে