তাংখুল নাগা ত্রাইবকি মরুওইবা চহীগী মরূ-মরাঙ হুনবগী কুম্মৈ অমা ওইনা লৈরিবা লুইতা ফানিট নত্রগা লুই-ঙাই-নি গী থৌরম চৎলিবা জনুৱারী থা অসীগী ২৮ দা ঊখ্রূল ডিস্ট্রিক্কী নূঙবী খুল্লেন্দা হৌদোকখ্রে।
লুই -ঙাই-নি থৌরম হৌদোকপা অদুদা অথোয়বা মীথূঙলেন ওইনা শরূক য়াখিবা ইন্দিরা গান্ধী নেসনেল ট্রাইবেল য়ুনিভর্সিটি, রিজনেল সেন্তর মনিপুরগী দিরেক্তর প্রোফেসার এন জি ঙালেঙম্না মহাক্কি ওইবা পূক্নীঙগী ৱারোল থম্লদুনা হায়,লুইতা ফানিট হায়রিবা তাঙ্খুল নাগা ফূরুপ কি চহীগী ওইবা থৌরম অসী ঈপা-ঈপূ হাক্তক্তগী তাইবং শেম্বীবা মপূ মহাক্না থম্বিরম্লবা য়াম্না মরূওইবা থৌরম অমনি। কনাগুম্বা ফূরুপ অমা চাওখৎহনগে অমসুং মখাতানা হিংদুনা লৈহনগে হায়রবদি ফূরূপ অদূগী মহৌশাদগী লৈজরক্লবা নাৎ, কলচরগী চৎনবী অমদি মহৌশাদগী লৈরক্লবা থৌরমশিং ঙাক্না, য়োকখত্তুনা থম্বগী তঙায়ফদবা লৈ।মশাগী চৎনবী নিয়ম-নিতিবু ঙাক্না চত্রবা ফূরূপ অদুদি মূৎকদবগী ঙাইদুনা লৈরবনি হায়খি।
এক্স-সার্বিসমেন কে অথীং, নূঙবী খুল্লেন প্রাইমারি স্কুলগী হেড মাষ্টর য়াওলৈ সিমরে নচিংবসু শরুক য়াখিবা থৌরমদুদা ফিজিকেল্লি চেল্লেঞ্জ পার্সন ২০ হেনবদা হ্বীল চ্যের, ৱাল্কিং ষ্টীক, হিয়ারিং এইদনচিংবসু য়েন্থোকখি।
You may also like
-
এফ আই আর কয়ারক পানগে হায়বনো পানবিয়ু, এন আর সি থবক্তা ওন্থোক্ট্রিফাও শিরবসু খোঙজঙদি হল্লোই: জিতেন্দ্র
-
চহী অহুমগী মতূঙদা ইম্ফাল-দিমাপুর বস সার্বিস ঙরাংদগী হৌখ্রে
-
ঈরোল-ঈয়েক চাওখৎনবা হোৎনরম্লিবা লাইওইখ্রবা অহলশিংবু খক কাউরোইদবনি: সিবদট্ট লুৱাং
-
ৱাক্ফ বোর্দকি মেম্বর খনবদা নোন-মুস্লিম হাপচীল্লকপগী মায়োক্তা রেল্লি চৎখ্রে
-
এন আর সিগী দিমান্দ শোয়দনা মায় পাক্কনি হায়বগী থাজবা লৈ: চিফ মিনিষ্টর