জপানিজ লেন্স্যুইজকী ত্রেনিং সেন্টর লিংখনবা য়ানচে অমা খৃৎয়েক পীনখে

অৱাং-নোংপোক্তগী লমদম অসিগী নহারোলশিংবু জপানদা থবক্কী খুদোংচাবশিং ফংহন্নবা স্কিলগা লোয়ননা শক্তি পীনবগী মাইকৈদা মরুওইবা খোঙথাং অমা ওইনা, নেস্নেল স্কিল দিবেলপমেন্ত কোর্পোরেসন (এন.এস.দি.সি.)না মপুং ফানা মপু ওইবা সবসিদিয়রী অমা ওইরিবা এন.এস.দি.সি. ইন্তরনেস্নেল (এন.এস.দি.সি.আই.)না ঙসি স্তেৎ-ওফ-দি-আর্ত জপানিজ লেংগ্বেজ ত্রেনিং সেন্তর অমা য়ুনিভর্সিতী কেম্পস মনুংদা লিংখৎনবা মনিপুর য়ুনিভর্সিতীগা লোয়ননা য়ানৱারোল অমা খুৎয়েক পীনখ্রে। থৌশিল অসিনা মনিপুর অমসুং অৱাং নোংপোক লমদম পুম্নমক্কী নহারোলশিংগী মরক্তা অৱাংবা থাক্কী জাপানিজ লোনগী হৈ-শিংবা হেনগৎহন্নবা পান্দম থম্লি, মসিনা মখোয়বু মালেমগী থাক্কী খুদোংচাবশিং ফংনবগীদমক, মরু ওইনা জপানগী খোঙজেল য়াংনা চাউখৎলক্লিবা ৱার্কফোর্স সেক্তরশিংদা মথৌ তাবা স্কিলশিং পীনবা হোৎনগনি।

চুংশিন্নবা অসিগী খুত্থাংদা, এন.এস.দি.সি.আই.না মালেমগী থাক্কী পেদাগোজি, এসেসমেন্তশিং অমসুং লর্নর সপোর্ত লৈহন্দুনা, মালেমগী থাকশিং অমসুং জপানগী মথৌ তাবশিংগা চুনবা কমপ্রিহেন্সিব ত্রেনিং ফ্রেমৱার্ক অমা দিজাইন তৌগনি অমসুং ইমপ্লিমেন্ত তৌগনি। মনিপুর য়ুনিভর্সিতীনা সেন্তর অসিদা ওন-কেম্পস ত্রেনিং ইনফ্রাস্ত্রকচর ফংহন্দুনা মহৈরোইশিংগীদমক খুদোংচাবা লাইনা ফংবা অমসুং ইনক্লুসিব স্কিল দিবেলপমেন্ত ফংহল্লগনি।

থৌরম অদুদা ৱা ঙাংলদুনা, এন.এস.দি.সি. ইন্তরনেস্নেলগী সি.ই.ও. শ্রী, অলোক কুমারনা হায়খি, “মনিপুরগী নহারোলশিংগীদমক মালেমগী থাক্তা খুদোংচাবশিং পাকথোক চাউথোকহনবদা পার্তনরশিপ অসিনা মরুওইবা মাইলস্তোন অমা ওইরি। মালেমগী থাক্কা চুনবা মালেমগী থাক্কী জপান লোনগী ত্রেনিং পীদুনা, ঐখোয়না এস্পিরেন্তশিংদা কম্পিতিতিব কেরিয়র শেমগৎপা অমসুং মপান লৈবাক্কী মার্কেৎশিংদা থাজবগা লোয়ননা শরুক য়াবা ঙমহল্লি। ঐখোয়গী পান্দমদি ভারতকী মফম খুদিংমক্কী হৈশিংবা মীওইশিংবু মশক খঙহনবা, মগুন লৈহনবা অমসুং মালেমগী ওইবা প্লেৎফোর্ম অমা পীবনি।”