থা অসীগী ২০ দা লোক সভানা প্রোমোশন এন্দ রিগুলেসন ওফ ওনলাইন গেমিং বিল, ২০২৫ পাস তৌখ্রবা মতূংদা ঙরাং পারলিয়ামেন্ট কি নোংজু মীফম লোইশিনবা নুমিত্তা রাজ্য সভাদসু ওপ্পোজিসনগী চরাঙনবা, মরক্তা বিল অসী পাস তৌখ্রে। মসীগী মখা তারকপদা লৈবাক অসীগী প্রসিদেন্ট না অয়াবা হেক পীরকপগা এক্ট ওইনা চৎনখ্রগনি। মালেমগী তোঙান-তোঙানবা লন্নাই মীওইশিং অমদি প্লেটফোর্ম শিংনা অসীগুম্বা ওনলাইন গেমিংগী প্লেটফোর্ম কয়ামরুম হাংদোরক্তুনা, অহেনবা শেল পীগদৌরিবনি হায়বা এদভর্টিজমেন্ট কয়া তৌদুনা হৌরক্লিবা নহারোল কয়ামরুম ভিক্তিম ওইহল্লক্তুনা ঈমূঙ- মনূংগী শেল-থুম অমসুং পুন্সি মহীংদা য়াম্না চাউনা শোকথহল্লকপা অমসুং ফীভম অসীনা মরম ওইদুনা লৈবাক্কি শেল-থুম গী ফীভমশিংদা চৈথেং কয়ামরুম পীরকপদগী য়ুনিয়ন কেবিনেটনা ওনলাইন গেমিংগী মখল খূদীংমক থিংজিন্ননবা মমাঙদা অয়াবা পীখ্রবনি।
শেল দিপোজিৎ তৌরগা অহেনবা শেনফম ফংলগনি হায়বগী পান্দমদা ওনলাইন গী খূত্থাঙদা শেল থানদুনা শান্নরিবা গেম মখল পূম্নমক ঙরাং পারলিয়ামেন্টনা পাস তৌখ্রবা বিল অসীনা অথীংবা থম্লগনি হায়রি।
ঙরাং রাজ্য সভাদা বিল অদূ য়ুনিয়ন মিনিষ্টর ফোর ইলেক্ট্রোনিক্স এন্দ ইনফোর্মেসন টেক্নোলোজি অস্বিনি বৈষ্ণোনা পুথোকখিবনি।
বিল অসী এক্ট ওনখ্রবা মতূঙদা কনাগুম্বনা প্লেটফোর্ম অসী প্রমোট তৌরক্লবদি চহী অহুম জেলদা থমজিনবগা লোয়ননা লূপা ক্রোর ১ ফাইন থীহল্লগনি অদুগা অসীগুম্বা গেমগী এদভর্টিজমেন্ট তৌবশিং চহী অনী ফাদোক তাহনবগা লোয়ননা লূপা লাখ ৫০ সু ফাইন তৌরগনি হায়রি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে