দিল্লি অমসুং জয়পুর এরিয়াদা লৈবা নন- লোকেল অনী নেটৱার্ক বিজিনেসকি ট্রেনিং পীগনি হায়জীল্লগা থেমদুনা ইম্ফালদা পুরক্লবা মতূঙদা ইম্ফাল য়ৌরক্লবা মতূঙদা ফাজীন্দুনা থম্লগা অচৌবা শেনফম দিমান্দ তৌদুনা রেন্সম তাল্লম্বা মীওই মরি মনিপুর পুলিসনা ফাগৎখ্রে।
খূৎলায় পায়বা লালহৌলূপ অমগী মীওইশিংনি হায়জীন্দুনা নোংমৈ চীন্দোন্দা নন- লোকেল অনীদূ কিহন্দুনা অচৌবা শেনফম পীয়ূ হায়দুনা রেন্সম তাল্লম্বনি। খদ্রক তৌরগা রেন্সম তাল্লম্বা মীওই মরি অদূদি থম্নাপোকপী ময়ায় লৈকায়দগী, হৌজিক্না লমশাং কাচিখুল মমাঙ লৈকায়দগী লাইশ্রম হেনরি মৈতৈ(৩৫), ঙাইরাংবমদগী থাংজম লেম্বা (৩৪), নাউরেমথোং তখেল্লম্বম লৈকায়দগী হুইরেম আনন্দ (৪৩) অমসুং লাঙ্গোল টাইপ টুদগী নহাকপম নরেশ হায়রিবশিং অসীনি।
মখোয়দগী পোইন্ট ৩২ গী পিষ্টোল অমগা লোয়ননা মেগজিন অমা, মরূ মঙা, লাইসেন্স গন অনী, পোকেট নাইফ অমা, মোবাইল হেন্দ সেট অনী অমসুং কার অমা রিকোভর তৌবা ঙমখি। থা অসীগী ১৮ অমসুং ১৯ দা মনিপুর পুলিসনা রেইদ চত্থবদা হিমালয়ান টাইম নাকা মনাক্তগী মখোয় মরি অদূ ফাগৎপা ঙমখিবনি হায়রি।
You may also like
-
ইসিআই গী থৌওং য়ানিংদবা ফোঙদোক্তুনা কংগ্ৰেসনা প্রোটেষ্ট রেল্লি পাঙথোকখ্রে
-
এন আই এনা আইজোলদগী কুকি নহা অনী ফাগৎখ্রে
-
লুহোংবদা শেল চঙমনবনা ঐখোয়গী নহারোলশিং মতম চানা য়ূম পান্দবদগী মৈতৈগী মীশীং হন্থবা ওইরম্লে: নাউখম্বা
-
ওজা ১৪ দা মায়চৌ কোনোক থেঙ্গ্রা নীশীং মনা লান্থোকখ্রে
-
পি আর পি কৌবা রিজনেল পোলিটিকেল পার্টি অমা শাফোঙখ্রে