নেস্নেল ইল্লিজিবিলিটি কম এন্ট্রান্স টেষ্ট (নিট) এগজামগী ফল লাউথোকখিবা মতমদি কুইরে অদুম ওইনমক মসীগী মনূঙদা মনিপুরদগী কেন্দিদেট কয়ামুক পাস তৌরবগে লোয়ননা মেরিট লিষ্টকি মতাঙসু ঙসীফিওবা খঙহন্দনা ঙসীফাওবা লৈরিবা অসী করি করম্বা খুদোংচাদবা লৈবগীনো হায়বদুসু মরী লৈনবশিংদা ঙসীফাওবা খঙহন্দনা লৈবগী মতাঙদা য়ানিংদবা ফোঙদোক্তুনা নিট এগজাম থাখিবা কেন্দিদেটশিংগী মমা-মপা ওইবশিংনা খোয়শাওনবা ফোঙদোক্তুনা থা অসীগী ২১ দা ইম্ফালগী লম্ফেলপাত্তা লৈরিবা ষ্টেট লৈঙাক্কি হেল্থ দিরেক্তরেত্তা থোমজিনখ্রে।
খোঙজঙ অদুদা শরুক য়াখিবা কৈরাউ ৱাংখেমদগী হিজম ব্রোজেন্না ফোঙদোকখিবদা, কুইরবা মতমসিফাওবদা নিট এগজাম থাখিবা কেন্দিদেটশিংগী মেরীট লিষ্ট থোক্তুনা মরী লৈনবশিংদা খঙহন্দবসিনা মরম ওইরগা দাক্তর তম্লুনবা শেম শারিবা কেন্দিদেটশিংগী ওইবা কাউন্সেল্লিংগী থবকসু ঙসীফাওবা লৌখত্তনা লৈরে।
চহী মাঙখ্রগদরা, অতোপ্পা ষ্টেটশিংদা চত্তুনা এদমিসন তৌবা নংহৌররোইদ্রা হায়বগী চাউনা মিপাইবা ফাওনরে। মনিপুরগী হৌজিক লৈরিবা লো এন্দ ওর্দরগী ফীভম অসীদা ঙাইহাক লৈতনা ইন্টরনেট থিংবগী চৎনবী অমসু লৈরিবনা নেট থিংখিবা তারবদি পাউ ফাওদোক-ফাওজিন তৌনবদা খুদোং চারোইদবা কয়াসু লৈগনি হায়খি।
মরম অদুনা মেদিকেল দিরেক্তরেটনা অথুবা মতমদা মেরিট লিষ্ট থোকপীয়ু হায়না তকশীনখি।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি