ফাজীনখিবা অরম্বাই তেঙ্গোলগী থৌমীশিং কন্দিসন অমত্তা য়াওদনা খূদক্তা থাদোক্কদবনি, লূপ অসীগী জি ঐচ ক্যুগী ফাইটিং কম্মান্দর আসেম কানন য়াওনা তেঙ্গোল্লোয় মঙা ফাখিবা অদূ লৈঙাক্না খূদক্তা থাদোরক্কদবনি, মখোয় থাদোরক্ট্রিবা ফাওবা চরা হেনবগী খোঙজঙ চঙশীনখিগনি হায়বা দাবী তান্দুনা লমদমসিগী মৈরা লূপশিংগী ঈমাশিংনা মফম কয়াদা পাক শন্না খূত্থাঙ-চরা হেনবগী খোঙজঙশিং লেপ্ত না চঙশীল্লি।
মসীগী শরূক অমা ওইনা বিষ্ণুপুর দিষ্ট্রিক্ট কি নিংথৌখোং কৈথেলদা লমদম অদোমগী মীয়ামগা লোয়ননা মৈরা পায়বী লূপকি ঈমাশিংনা খূত্থাঙ চরা হেল্লকপা ঙরাং ফাওবদা নুমিৎ ৪ নি চনখ্রে। ঈরমদম কন্ননবা অমসুং খুল ঙাক্লিবা ঈচাশিং কনাগুম্বা অমত্ত না অপনবা পীবা, ফাবা-পুনবগী থবক চত্থবা য়ারোই হায়বা খোল্লাউ কয়াগা লোয়ননা চঙশীনখিবা চরা হেনবগী খোঙজঙ অদূ ঙরাংসু মখা চত্থরদুনা লমদম অদুগী ঈমা কয়া থোক্লক্তুনা চরা হেনখি।
হৌজিক মায়োক্নরিবা লান অসীদা সেন্টর অমসুং মনিপুর লৈঙাক্কি সেক্যুরিটি ফোর্স অমসুং মনিপুর পুলিসনা তূমিন্না য়েংদুনা লৈথোক্লি। কুকি- জো টেরোরিষ্টশিংনা মৈতৈদা নোংমৈ, বোম কাপশীন্দুনা লান্দারকপদা সেক্যুরিটি ফোর্স অমসুং মনিপুর পুলিসনা খূৎ হনবদি লায়রদনা কোয়চেন চেল্লগা লোত্তুনা লৈরি, অদূগা চিরবা মতমসিদা আরম্বাই তেঙ্গোলগী ঈচাশিংনা থৱায় খুবাক্তা হাপ্তুনা ঈরৈচাশিং অমসুং ঈরমদম কন্নবগীদমক চোংথোরক্লিবনি। মরম অদুনা অরম্বাই তেঙ্গোলগী থৌমীশিং কন্দিসন অমত্তা থমদনা খূদক্তা থাদোক্কদবনি হায়খি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে