চৎলিবা জানুয়ারি থা অসীগী ২৮ দগী উত্তরখন্দ ষ্টেটতা পাঙথোক্লগদবা ৩৮ শুবা নেস্নেল গেমসতা মনিপুরগী শান্নরোয় ৩১৫ হেনবনা শরুক য়ারগনি। হন্দক পাঙথোক্কদৌরিবা গেমস অসিদা মনিপুরগী শান্নরোয়শিংনা চাউনা মায় পাক্লক্তুনা চেম্পিয়ন লৌরক্কনি হায়বগী থাজবা লৈরি হায়না ষ্টেট লৈঙাক্কি য়ূথ এফিয়র্স এন্দ স্পোর্টস মিনিষ্টর গোবিন্দাস কোন্থৌজম্না ফোঙদোকখ্রে।
মনিপুরগী শান্নরোয় শিংনা তোঙান তোঙানবা ইভেন্ট ২৩ দা শরুক য়ারগনি। গেমস অসিগীদমক মনিপুরগী টিম্না চৎথোক- চৎশীন তৌবগী অমসুং অতৈ খরচ পূম্নমক ষ্টেট লৈঙাক অসীগী মায়কৈদগী শেনফমশিং কাইথোক্লগনি হায়খি। হীরম অসীগী মতাঙদা মিনিষ্টর মশামক্না চ্যের লৌদুনা তোঙান তোঙানবা স্পোর্টস এসোসিয়েসনশিংগী মীফম অমা পাঙথোক্তুনা খন্নখ্রে।
মীফমদুদা টেন্নিস, গোল্ফ, লোন বোল, সুট্টিং অমসুং ৱেথ লিফ্টিং এসোসিয়েসনশিংদি শরুক য়াখিদ্রে। য়েৎনবা লৈরিবা স্পোর্টস এসোসিয়েসনশিংগী ওইনদি শান্নরোয় মশা- মশাগী বেঙ্ক এক্কাউন্টশিংদা দাইরেক্ট বেনিফিট ট্রান্সফর (দি বি টি) গী খূত্থাঙদা ষ্টেট লৈঙাক্কি মায়কৈদগী শেনফমশিং পীথোক্কনি হায়নসু স্পোর্টস মিনিষ্টরনা ফোঙদোকখি।
You may also like
-
কাপিল সিবালনা সেন্টরবু অকনবা মওংদা মরাল শীখ্রে
-
মৈতৈশিংনা থাংজিং চীঙগী লাইফমদা লাই খুরুম্বা চঙবদা ঙাকপী শেনবিনবা নিংথৌ সনাজাউবনা সেন্টরগী মীৎয়েং চিংশিনখ্রে
-
অসাম রাইফলসনা মনিপু্রদা মখাতাতানা মেদিকেল কেম্প পাঙথোকখ্রে
-
রেদিও-টেগ তৌখিবা চ্যুলুৱান- ২ সাইবেরিয়া তম্লক্লি
-
ৱেষ্ট বেঙ্গলগী বোর্দর দিষ্ট্রিক্ট মরি দিষ্টর্ব এরিয়ানি হায়না লাউথোক্ননবা বি জে পিগী পুরুলিয়া এম পি না