চৎলিবা ওক্তোবর থা অসীগী অনীদা উখ্রূল দিষ্ট্রিক্ট কি মনূংদা লৈরিবা হুনফুন অমসুং হুংপূং খুঙ্গং অনীগী খুঞ্জাশিংগী মরক্তা লমগী ৱাহৌদগী টেন্সন কা হেন্না ৱাংখৎনরকপদগী নোংমৈনচিংবা কাপ্পা য়াওনা অকনবা মওংদা খূৎ থোক্নখিবা থৌদোক অদূ খ্বায়দগী লাইবক থীবা অমনি, মতূংদা অসীগুম্বা থৌদোক মখা তানা থোকহন্দনবা ঐখোয় খূদীংমক্না হোৎনমিন্নসি হায়না নাগা ৱিমেন্স য়ুনিয়ন্না থাদোরকপা প্রেস নোট অমনা মরী লৈনবশিংদা আপিল তৌরক্লি।
থৌদোক অদূদা লৈখিদ্র বশিংগী ঈমূং-মনূংগী মীওইশিংনা মায়োক্নহৌরিবা অৱাবা- নুঙাইতবা খূদীংমক্তসু য়ুনিয়ন অসীনা থম্মোয় শেংনা শরুক য়ারি হায়রক্লি। লাইবক থীবা থৌদোক অদূদা শোক্তুনা লায়কন্নরিবশিংসু অথূবা মতমদা ফীভম ফগৎলকপা ওইরসনু হায়রক্লি। খৎনবা, শাউনবা অমসুং টেন্সন শাগৎনদুনা খূৎ য়াওনবা হায়বসিনা মীওইবগী পুন্সিদা অফবা, তোংজবা, কান্নবা অমত্তা পুরক্তে, ঐখোয় ঈশানা তৌজরুবা থবক-থৌওংশিং অদুগী মহয় ঈশা-ঈশানা ফংজবা তাবনি।
মরম অদুনা ঐখোয়না অফবা থবক ঙাক্তা তৌবা, নুংশি- চান্ননা থবক খূদীংমক পূন্না পায়খৎমিন্নবগী তঙায়ফদবা লৈ হায়রক্লি। তাংখুল সনাউ লোংনা কাংলূপ অনীগী মরক্তা নুংশি-চান্ননা ৱারী শান্নরগা পূন্না ৱারোয়শিন পুরক্নবা হোৎনরিবা অদুদা য়ুনিয়ন অসীনা মপূং ফানা শৌগৎলি, নাগা মীয়াম্নসু শৌগৎমিন্নসি হায়রক্লি।
You may also like
-
এ দি আর কমপ্লেক্সতা সুপ্রিম কোর্ট কি জজ এন কোটিশ্বরগা ইন্টরেক্সন পাঙথোকখ্রে, লিগেল এৱেরনেস প্রোগ্রাম অমসু চত্থখ্রে
-
পাল্লিবা লৈঙাক অসীনা কন্সটিট্যুসনগী প্রোবিজনশিং ইফোং ফোংনা খোঙ্গাওনরি: ইবোবি
-
প্রাইভেট স্কুলগী প্রিন্সিপাল অমা খদ্রক তৌরম্বগীদমক দেসামগী থৌমীশিংনা ফারগা পুলিসতা শিন্নখ্রে
-
আমিট শাহানা পারলিয়ামেন্টকি ফ্লোরদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি: ইবোমচা
-
কোকোমিগী লমজিং মখাদা খুল ঙাকপশিং ফাবা হাৎপা য়ারোই হায়দুনা পাক-সন্না খোঙজঙশিং চঙশীনখ্রে