সেনাপটি দিষ্ট্রিক্ট ট্রক ওনর্স এসোসিয়েসন অমসুং দিষ্ট্রিক্ট অসীগী ট্রক দ্রাইভর্স য়ুনিয়ন অনীনা খূৎশম্নদুনা ঙরাংদগী হৌরগা মতম কক্তনা নেস্নেল হায়ৱে নম্বর-২ , ইম্ফাল-দিমাপুর লম্বীদা গারি চেন্দনবগী খোঙজঙ ওইনা ষ্টিয়ারিং পায়দবগী থৌওং চঙশীনখ্রে।
ঙরাং অয়ূক পূঙ ৫.৩০ রোম তাবদা সেনাপতি দিষ্ট্রিক্টকি পাউমাতা সব-দিবিজন মনূঙচন্না লৈরিবা তুংজোই ভিল্লেজদা লৈবা অসিপ্রো দেবিদ কৌবা দ্রাইভর অমবু সপরমৈনা পুলিসনা মরম অমত্তা খঙহন্দনা ফাজীনখিবগী মায়োক্তা দ্রাইভরশিংনা অকনবা খোঙজঙ অদূ চত্থবা হৌখিবনি। নেস্নেল হায়ৱে পরীং অসীগী ওফিসিয়েল পুলিস গেটতগী মিটর ২০০/৩০০ লোম লাপথোক্লবা মতূঙদা অন- ওফিসিয়েল ওইনা চেক পোইন্ট অমা খূদক্তা শেমজীল্লগা সপরমৈনা পুলিসনা অসিপ্রো দেবিদপু ফাজীনখিবনি হায়রি।
মরম অমত্তা পীদনা অমসুং এরেষ্ট মেমোসু অমত্তা পীদনা মহাকপু ফাজীল্লবা মতূঙদা সপরমৈনা পুলিস ষ্টেসন্দা পুশিনখি। মদূগী মতূঙদা মহাকপু য়াম্না তমথীনা ফূরকখিবনি। থৌওংশিং অদুবু য়ানিংদবা ঊত্তুনা দিষ্ট্রিক্ট অসীগী ট্রক দ্রাইভরশিংনা ষ্টিয়ারিং পায়দবগী খোঙজঙ চঙশীনখিবনি হায়রি। হীরম অসীগী মতাঙদা য়ান্নবা অমা পুরকপা ঙমদ্রবদি হেন্না কনবা খোঙজঙ চঙশীনগনি হায়রক্লি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে