মনিপুর প্রদেস কংগ্রেস কম্মিটি (এম পি সি সি) গী প্রসিদেন্ট কৈশাম মেঘচন্দ্র না লুচিংবা টিম অমনা থা অসীগী ১১ দা ন্যু দিল্লিদা কংগ্রেসকি জেনরেল সেক্রেটরি প্রিয়াঙ্কা গান্ধিগা উনদুনা হৌজিক লৈরিবা মনিপুরগী হীংশাগী ঈরাঙ অসীগী মতাংদা পাউদমখিবগা লোয়ননা ৱাফমশিং পুখত্তুনা পাউদমখ্রে।
প্রিয়াঙ্কা গান্ধিগা উনখিবা অদুদা কংগ্রেস লেজিসলেচর পার্টি (সি এল পি) গী লিদর ওইনা লৈরিবা মনিপুরগী হান্নগী চিফ মিনিষ্টর ওক্রম ইবোবী, দিপ্যুটি সি এল পি লিদর অমসুং এম এল এ কাঙুজম রঞ্জিৎ, এম পি সি সিগী হান্নগী প্রসিদেন্ট মোইরাংথেম ওকেন্দ্র সিংহ, খূন্দ্রাকপম কেন্দ্রগী এম এল এ থোকচোম লোকেশ্বর অমসুং কংগ্রেস পার্টি অসীগী অতৈ লুচিংবা কয়াসু শরুক য়াখি।
হৌজিক ষ্টেট অসীদা মায়োক্নরগা লৈরিবা, কুকি- জো মিলিটেন্টশিংনা সেপরেট এদমিনিষ্ট্রেসন অমা লেজিসলেচর য়াওনা পীয়ূ হায়দুনা মরম চাদবা দিমান্দ তৌদুনা হীংশা থোকহল্লিবা অমসুং মসিদা কুকি- জোগী এম এল এ তরানা তোংশিন্দুনা মনিপুরদা য়ুনিয়ন টেরিটোরি অমা শেম্ননবা সেন্টর লৈঙাক্তা তকশীল্লিবসি মরম চাদবনি হায়বা ৱাফমশিং পুখত্তুনা হৌজিক চত্থরগা লৈরিবা পারলিয়ামেন্টকি নিংথম মীফমদা রিজেক্ট তৌননবগী মতাংদসু প্রিয়াঙ্কা গান্ধিদা তকশীনখি হায়রি।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি