মোরেদগী লাঞ্জেন্নরক্তুনা রিলিফ কেম্পশিংদা লৈরিবশিংগী মরক্তগী মশাগী চহী ৭৫ শুরবী খাঙেম্বম ওঙবী আর কে শকহেনসনা মপূরোইবগী মমিং লৈখিদ্রবা খাঙেম্বম ইবোহলগী মপোক নুমিৎকা মরী লৈননা রিলিফ কেম্পরশিংদা অথুম- অহাওশিং য়েন্থোক্তুনা চামিন্নখ্রে।
খূরাই রিলিফ কেম্প হায়রগা মীয়াম্না খঙনরিবা পোরোম্পাৎতা লৈবা ভেটরিনারি ফারমর্স গেষ্ট হাওসতা হাংদোক্লিবা কেম্প অসিদা শকহেনসনানা ইনমেটশিংগা লোয়ননা চামিন-থকমিন্নদুনা অৱা-নুঙাইগী ৱারী-ৱাতায় কয়া শান্নখি। রিলিফ কেম্প কম্মিটি মনিপুরগী চিফ ওরগনাইজর থোইদিংজম বোন খূরাইনা রিলিফ কেম্প তা লৈরিবা মীওইশিংনা ঙসীফাওবদা অধার কার্দ, সি এম ঐচ টি কার্দনচিংবা শাদবা য়াওরবদি অথূবা মতমদা শাদোক্ননবা ফোঙদোকখি। অনা-অয়েক য়াওরকপা অমসুং পেন্দবা, নুঙাইতবা য়াওরকপা মতমদসু খূদক্তা পাউ পীরক্নবা খঙহনখি।
নাকল অমরোমদা, রিলিফ কম্মিটি জেনিমসকি কনভিনর কাঙাবম সত্যজিৎ না হৌজিক লৈরিবা রিলিফ কেম্প অসীদা ফংহল্লিবা মতেং অমসুং পোৎলমশিংগী মতাঙদা ৱাফম কয়ামরুম ফোঙদোকখিবগা লোয়ননা মখা তানা অনা অয়েক্কি য়াওনা মখল-মখা কয়াগী মতেং পাংননবা শেম- শাদুনা রিলিফ কম্মিটি অসীনা লৈরি হায়খি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে