নৌরিবা অঙাঙশিংনা করি পাম্লি, মখোয়না পামজরিবদু অফবরা নত্রগা ফত্তবরা হায়বদু খঙদোক্লবা মতূংদা তুংগী য়াইফগদবা, কান্নগদবা ওইরবদি মদোমদা পূক্নিং থৌগৎপীবা, শৌগৎপিবা হায়বসি মমা-মপা ওইবশিংগী তঙায়ফদ্রবা মথৌদাং ওইফম থোকপনি হায়না খাঙবোক কেন্দ্রগী হান্নগী এম এল এ ওক্রম ওঙবি লন্ধোনিনা ফোঙদোকখ্রে।
নেক্স জেনরেসন ফাওন্দেসন, থৌবালনা শীন্দুনা পাঙথোকখিবা, ক্লাস থ্রীদগী টেন ফাওবগী মনূঙদা লৈবা মহৈরোয়শিংগী ওইবা মেথমেটিক্স অমসুং সাইন্স সবজেক্ট অনী অসীগী ওইনা পাঙথোকখিবা কম্পিটিসন অমদা মকোক-মথঙ তারকখ্রবা মহৈরোয়শিংদা এৱার্দ য়েন্থোকপা থৌরমদা অথোয়বা মীথূঙলেন ওইনা শরুক য়াখিবি এক্স এম এল এ ওক্রম লন্ধোনিনা ৱাফম অসী ফোঙদোকখিবনি।
মনিপুর য়ুনিভর্সিটিগী সেন্টিনারি হোলদা পাঙথোকখিবা থৌরম অদুদা আর দি এন্দ পি আর ককচীঙ দিষ্ট্রিক্টকি প্রোজেক্ট ওফিসার ওইনা লৈরিবা সাপম নবচন্দ্রনা থৌরম মপূ ওইনা শরুক য়াখি।এম য়ুগী ইকোনোমিক্স দিপার্টমেন্ট কি প্রোফেসার চীঙলেন মাইস্নাম অমদি অতৈ শক্নায়রবা মীওই কয়ানা গেষ্ট ওফ ওনরশিং ওইনা থৌরমদুদা শরুক য়াখি।
You may also like
-
ঐচ এস এল সি ইগজামগী দোক্যুমেন্ট পুথোকপা ঙমদবা ওফিসার ফাইন থীনবা খঙহনখ্রে
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
মনিপুরদা মতম চানা রিন্যু তৌদবা মেদিকেল ফেসিলিটি কয়া হাংদুনা লৈরি