থৌবাল দিষ্ট্রিক্টকি খাঙবোক অৱাং লৈকায় শোরোক ৱাংমদা লৈরিবা কম্মান্দো কমপ্লেক্স চঙফমগী অনীশুবা লম্বী অসী মতম কয়াগী মমাঙদগী লৈঙাক্না মীৎয়েং চঙবীরক্তবনা মরম ওইদুনা য়াম্না খুদোংথীনিঙায় ওইরকপদগী লম্বী অসী মপূঙ ফানা শেমদ্রিফাওবা ঙরাংদগী হৌনা খোয়শাওনরবা খুঞ্জাশিংনা মতম কক্তনা থিংজিন্দুনা অকনবা খোঙজং চঙশীনখ্রে।
থৌবাল দিষ্ট্রিক্টকী মনূঙচন্না য়াম্না মরু ওইরিবা, রিজার্ব লাইন্দা লৈরিবা লম্বী অসী শেমজীনবিয়ু হায়দুনা লৈকায়গী মীয়াম অমদি ঈমা মৈরা পায়বী লূপশিংনা মরী লৈনবা এম এল এ, জীলা পরিষদকি লুচিংবশিং, গ্ৰাম পঞ্চায়েটকি মীহূৎনচিংবা কয়াদা হঞ্জিন-হঞ্জিন ৱাকৎপা লৈখ্রবসু ঙসীফাওবা মীৎয়েং চঙবীদবা অসী খ্বাইদগী লাইবক থীবনি হায়রি। লম্বী অসী মতম শাংনা য়েংশিনবিরক্তবনা স্কুল চৎলিবা মহৈরোয়শিং অমসুং মীয়ামদা য়াম্না চাউনা খুদোংচাদবা কয়ামরুম মায়োক্নরগা লাক্লি লোয়ননা মরক-মরক্তা এক্সিদেন্ট কয়াসু থোকপদগী অশোক-অপন মায়োক্নরি হায়না খোঙজং চঙশীনখিবা অদূদা শরূক য়াখিবি ঈমা অমনা ফোঙদোকখি।
মখাতানা লম্বী অসীদা লৈঙাক্না মীৎয়েং চঙলক্ট্রবদি মীয়াম্না লম্বী অসী তৌখায়রগনি অদুগা অতৈ অকনবা খোঙজং কয়া চত্থরগনি হায়নসু অকনবা ৱাফম ফোঙদোকখি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে
-
নাগা-কুকি অনীগী উংখৎবা হন্থহন্ননবা দিখোনা লূপশিংগা উনখ্রে