ইন্দিয়ানা মনিপুর মচেৎ তানা থুগাইনবা হোৎনরকপা তারবদি মদূ লমদমসিগী য়েলহৌমীশিংনা কৈদৌনুংদা য়ারোই অদুগা দিষ্টর্ব এরিয়া ষ্টেটস লৌথোক্লুরবা মনিপুর গী পুলিস ষ্টেসন তরুক্না কোল্লিবা মফমশিংদা নৌনা আফস্পা থমজিল্লক্লিবসী খূদক্তা আফস্পা লৌথোক্কদবনি হায়বা খোল্লাউগা লোয়ননা ঙরাং ইম্ফালগী অকোয়বা মফমশিংদা মনিপুরগী য়েলহৌমীশিংনা অচৌবা খোঙচৎ অমা পাঙথোকখ্রে।
মনিপুর মূত্থৎপা য়ারোই, আফস্পা নৌনা থমজিল্লক্লিবসী খূদক্তা লৌথোক্কদবনি হায়বা দিমান্দ তৌরদুনা য়েলহৌমী লীশিং মরিফু হেনবনা খোঙজঙ অদূদা শরূক য়াদুনা তোঙান তোঙানবা মফমশিংদা খোঙচৎ পাঙথোকখি। থাংমৈবন্দ থাউ গ্ৰাউন্দ দগী হৌরগা নাগামপাল, বি টি রোদ, কংলাপাৎ পরীং ফাওরক্লবা মতূংদা খুমন লম্পাক মেইন ষ্টেদিয়মদা পূল্ল বা মতূংদা মীয়ামগী ওইবা মীফম অমসু পাঙথোকখি অমুকো, এম এস এফ, পোইরৈ লৈমরোল অপূনবা মৈরা পায়বী মনিপুর অমসুং অম্মৱোভানা পূন্না শীন্দুনা পাঙথোকখিবা খোঙচৎকা লোয়নবা মীফম অদুদা অমুকোগী প্রসিদেন্ট ফৈরোইজম নন্দো লূৱাংনা হায়, মনিপুরদা মতম কয়াদগী নুংশি চান্ননা হিংমিন্নদুনা লাক্লিবা ফূরূপশিংগী মরক্তা ইন্দিয়া লৈঙাক্কি দিল্লিদা ফম্লিবা লুচিংবশিংনা ঈন্সীল্লগা ককশাবী শাদুনা ঐখোয় মশেল নুংশিনদনবা, খৎননবা থৌশিল চত্থরক্লি হায়বসি ঐখোয় খঙমিন্নগদবনি।
ঐখোয়গী লৈঙাক ঈশানা ঙাকচগদবনি মনিপুরদগী আফস্পা মপূংফানা লৌথোক্কদবনি হায়বা ৱাফম ফোঙদোকখি।
You may also like
-
আমিট শাহানা পারলিয়ামেন্টকি ফ্লোরদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি: ইবোমচা
-
কোকোমিগী লমজিং মখাদা খুল ঙাকপশিং ফাবা হাৎপা য়ারোই হায়দুনা পাক-সন্না খোঙজঙশিং চঙশীনখ্রে
-
অফবা লৈঙাক-সাসন হায়বসি ট্রান্সপরেন্সি অমসুং এক্কাউন্টেবিলিটি লৈনা মীয়ামগী য়াইফনবা থবক তৌরিবা লৈঙাক অদূবুনি: বিরেন
-
পারলিয়ামেন্ট মমাঙদা রূলিং-ওপ্পোজিসন অনীগী মরক্তা অমনা অমদা মরাল থঙজিন্নদুনা চাউনা মূক্নবগী থৌদোক চত্থখ্রে
-
ঈং- তপ্পা মনিপুর অমা ওইহন্ননবা হোৎনবদা নাগাশিংগী অচৌবা থৌদাং লৈ: চিফ মিনিষ্টর