তরুক্লক হন্না বোক্সিং মশান্নদা ৱার্ল্ড চেম্পিয়ন ওইখিবতা নত্তনা ওলেম্পিক গেমসতসু ব্রোঞ্জ মেদল ফংখ্রবি, মালেমগী মীয়াম্না শকখঙনরবী এম সি মেরি কোম না মহাক্কি মপূরোইবগা খায়নখিবগী মতাঙদা সোসিয়েল মেদিয়া অমসুং অতৈ মেদিয়া রিপোর্ট কয়াদা মহাকপু লান্না উহনবা ৱাফমশিং শন্দোরক্লিবা অদূগী মতাঙদা শেংদোরকখ্রে।
ইন্দিয়া টুদে গা অখন্ননা উনখিবা অমদা মেরি কোম্না হায়, কুমশিং ২০২২ দা পাঙথোকখিবা কম্মনৱেল্থ গেম্স মাঙওইননা হকচাংদা অশোক-অপন য়াওবদগী থা খরা হৌগৎপা ঙমদনা ফমূঙদা লৈখি। মতমদুদা মহাক্কি মপুরোইবা ওনলর কোম্না য়ূমগী লৈজবা লম য়াওনা লন-থুম পূম্নমক বন্ধান থমদোকপা অমসুং য়োন্থোকপগী থবক চত্থরমখি। মসীগীসু মথক্তা মপুরোইবনা মশাগী মিংদা ইংখোলনচিংবা ওন্থোক্লমখি। অসূম্না অচৌবা নমথাক অমগী মখাদা হৌখিবা চহী ২০ লোম পুন্সি লেন্দুনা লৈরম্লে হায়বসি ঙসীদি ময়েক শেংনা খঙলক্লে হায়খি।
মশাগী চহী ৪৩ শুরবী, অঙাঙ অনীগী মমাসু ওইরবী ৱার্ল্ড চেম্পিয়ন অসীনা মখা তানা ফোঙদোকখিবা মতূঙ ইন্না, চুরাচান্দপুরদা লৈবা মীওই খরগী শেল লোন্না পূশীল্লুবদগী শেল অদূ শিংবা ঙমদবদগী মীওইশিং অদুনা লম ফাওবা মুনখিবগী থৌদোক লৈরি হায়না মেরি কোম না পেন্দবা ফোঙদোকখি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে