ঙরাঙ ইম্ফালগী মপাল কাঙজৈবূঙদা মনিপুরী পোনি ষ্টেল্লিয়ন শো (মপা-শা চাংদম্নবগী থৌরম) অমা পাঙথোকখ্রে। মনিপুরি পোনি সোসাইটি (এম পি এস) না শীন্দুনা পাঙথোকখিবা থৌরম অদূ মঙাল ফাউন্দেসন্না স্পোন্সর তৌবনি।
থৌরম অদুদা ধনমঞ্জুরি য়ুনিভর্সিটিগী ভাইস চাঞ্চেল্লর শ্রি প্রোফেসার দব্লিয়ু চান্দবাবু সু শরুক য়াখি অদুগা মনিপুরী পোনি সোসাইটিগী প্রসিদেন্ট প্রোফেসার সি ঐচ প্রিয়োরঞ্জন সিংহনা থৌরম মপূ ওইখি। চাংদম্নবগী থৌরম অদুদা মনিপুরী পোনি লাবা ১৪ শরুক য়াখি
দা. শগোলশেম উপেন্দ্র, দা. লাইশ্রম আর্জুন, দা. কে বিদ্যালক্সমী অমসুং ষ্টেট লৈঙাক্কি ভেটরিনারি এন্দ এনিমেল হজবেন্দ্রি সর্বিসেসকি ভি এফ এ ওইনা লৈরিবা এন নেহরু য়াওবা জজশিংগী পেনেল অমনা খ্বায়দগী অথোয়বা, মশা- মঊ ফবা শগোল লাবা খনবগী থবক চত্থখি।
ষ্টেল্লিয়ন শো অদুগী অহানবা মনা চহী ৬ শুরবা ৱান্দরফুল কৌবা, থাংজম গাইত্রি, চীঙখৈহুনবা পোলো ক্লবকি শগোলনা ফংখি। অনিশুবা মনানা লুৱাংপোকপা পোলো ক্লবকি এন বঙ্কিমগী টাকিওনা ফংখি অদুগা অহুমশুবা মনাদি থাংমৈবন্দ য়ূথ পোলো ক্লবকি এম সি চাউবগী বুলবুলদা পীখি।
মনিপুরগী পোনি হায়রিবা, শাফম-লানফমদা, নিংথৌরোলগী মতমদা শীজিন্নদুনা লাক্লবা অপীকপা শগোল মখল অসী মালেমদা অতাঙবা মখলগী শগোলনি। মনিপুরগী পুৱারিগা শাগোন্নরক্লবা পোনি অসীগী ৱারী- শীঙবূল হৌরক্লিবা মীরোলদা খঙহন্ননবা স্কুলগী সিলেবসতা হাপ্তুনা খঙহনফম থোকই হায়না প্রোফেসার চান্দবাবুনা ফোঙদোকখি।
You may also like
-
জপান্দা দিমেন্সিয়াগী কেস য়ামখৎলকপা মরম্না এ আইগী মতেং লৌগদৌরি
-
লৈখিদ্রবা বোনেট কোন্সমগী লোয়নবীদা এল এম জিনা শেলগী তেঙবাং পীখ্রে
-
মেদল ফোর মেরিটোরিয়স সার্বিস এৱার্দ পীননবা পুলিস পার্সনেলশিং লৈবাক অসীগী ওইনা খনগৎলকপদা মনিপুরদগী ৮ য়াওরক্লে
-
হয়ার সেকেন্দরি লেকচররশিংগী পেনদাউন ষ্ট্রাইক লৈঙাক্কা য়ানবা পুরকপদগী হন্দোকখ্রে
-
প্লাষ্টিক পোল্যুসন্না মীওইবদা পীরক্লিবা তমথিরবা চৈথেং অসীদগী ঙাকথোক্নবা মতম চানা হোৎনহৌবা মথৌ তারে: সোমোর্জিৎ