উরিষ্যা তাইক্বান্দো এসোসিয়েসনগী মীৎয়েং মখাদা হৌখিবা আগষ্ট ২৮ দগী সেপ্তেম্বর ২ ফাওবা উরিষ্যাগী কট্টক্তা লৈবা জৱাহরলাল নেহরু ষ্টেদিয়মদা পাঙথোকখিবা ৪৬ শুবা সব-জুনিয়র অমসুং সেনিয়র নেস্নেল তাইক্বান্দো চেম্পিয়ন্সিপ্তা মনিপুর এমেচর তাইক্বান্দো এসোসিয়েসনগী মখাদা লৈরিবা শান্নরোয়শিংনা মেদল ৬ ফংলক্লে।
মনিপুরদগী পূন্না শান্নরোয় ৩৩ না চেম্পিয়ন্সিপ অদুদা শরুক য়াখি।
নিংথৌজম ধমেন্দ্রনা সেনিয়র পূমসে ফ্রী ষ্টাইল মেল ইন্দিবিজুয়েলদা সিলভর মেদল লৌবা ঙমখি। থোঙাম য়াইস্না চনূনা ফিমেল ইন্দিবিজুয়েল পূমসে ফ্রী ষ্টাইলদা সিলভর মেদল অমা ফংখি।
লাইশংবম চীংথাঙানবী অমসুং য়ূম্নাম জেৎলিনা পূমসে ফ্রী ষ্টাইল দা গোল্ড মেদল, মিক্স টিম পুমসে ফ্রী ষ্টাইলদা ধমেন্দ্র, জেৎলি, খুম্বোংময়ূম অদিত্য, ৱাহেংবম লনখোম্বা, চীঙথাঙানবী অমসুং খ্বায়রাকপম লিন্থোইগী টিম্না ব্রোঞ্জ মেদল অমা অমসুং সব- জুনিয়র পুমসে ফ্রী ষ্টাইল প্যের দা উকল লৈবি অমসুং সিদারথা অনীগী জূরানা ব্রোঞ্জ মেদল ফংখি।