মনিপুরি লোল অমসুং সাহিত্যগী পুৱারিদা ইহান হান্না সাহিত্য একাদেমি এৱার্দ ফংখ্রবা কবি পাচা মীটৈগী ৮৩ শুবা মপোক কুমওন থৌরম থা অসীগী ১৭ কি অয়ূক পূঙ ৯.৩০ তাবা মতমদা থৌবাল দিষ্ট্রিক্টকি খাঙবোক মখা লৈকায়দা লৈবা লাইশ্রম লেনিনগী য়ূমদা পাঙথোকখ্রে।
থৌরম অদুদা মনিপুরি সাহিত্যগী লমদা নহা ওইরিবা স্কোলার অনিনা পাচা মীটৈগী মরমদা ৱাফম কয়ামরুম ফোঙদোকখিবগা লোয়ননা চেরোলশিং পাথোকখি। বূক ক্লব খাঙবোক, খাঙ্গরা লাইব্রেরি অমসুং দেদ পোইট্স সোসাইটিনা শীন্দুনা পাঙথোকখিবা মপোক কুমওন থৌরম অদুদা নহা ওইরিবা মনিপুরি লিটরেচরগী স্কোলার খূন্দ্রাকপম হেঞ্জুসনা না পাচা মীটৈগী পুন্সি অমসুং থবক হায়বা হীরমদা চে পাথোকখি অদূগা শক্নায়রবা নহা ওইরিবা স্কোলার লাইশ্রম আর্জুন মৈটৈনা পাচা মীটৈগী সাহিত্য একাদেমি এৱার্দ ফংখ্রবা নোভেল, “ইম্ফাল অমসুং মাগী ঈশীং নুংশিৎকি ফিভম”, হায়বা হীরমশিদা চেরোল পাথোকখি।
থৌরমদুদা শরুক য়াখিবশিংনসু পাচা মীটৈগী ৱারেং, শৈরেং,ৱারীমচা, নোভেল নচিংবা কয়ামরুম পারুবদা মশা মশাদা ফাওরকখিবা ইথিল কয়াগী মরমদা ফোঙদোক্নখি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে