মনিপুরদা হৌখিবা মমাঙ চহীগী মে অহূমদগী চত্থরক্লিবা হীংশাগী ঈরাং অসী অথূবা মতমদা শান্টি হঞ্জিল্লক্তুনা ঈং- তপ্পা ফীভম লাক্লগনি হায়বগী অচৌবা থাজবা লৈরে হায়না ষ্টেট লৈঙাক্কি ৱাটর রিছোর্সেস মিনিষ্টর অৱাংবৌ ন্যুমাই না ফোঙদোকখ্রে। চৎলিবা ওক্তোবর থা অসীগী ১৫ দা ন্যু দিল্লিদা য়ুনিয়ন মিনিষ্টর ওফ হোম এফিয়র্স কি মীৎয়েং মখাদা পাঙথোকখিবা মনিপুরগী ঈরাং লোইশিন্ননবা এম এল এ, মিনিষ্টরশিংগী মীফম য়াওরুরবা মতূংদা ঙরাং ইম্ফালদা হল্লকখিবা মিনিষ্টর অসীনা ৱাফম অসী পাউমীশিংগা উনবা থৌরমদা ফোঙদোকখিবনি।
ন্যু দিল্লিদা পাঙথোকখিবা মীফম অদূদা কুকি, নাগা অমসুং মৈতৈ ফূরূপকি এম এল এ ২০ না শরুক য়াখি। হৌজিক অহানবা খোঙথাঙ অমা ওইনা হীংশাগী ঈরাং অসী লোইশিন্ননবা এম এল এ, মিনিষ্টরশিংনা, মাগী-মাগী ফূরুপকি মীওইশিংনা হীংশাগী পাম্বৈ শীজিন্নদননবা থেমজিনবা অমসুং হান্না কাইহৌবগী থবক- থৌরমশিং চত্থদনবা খামজিনবা হায়না য়ান্নখি হায়খি। মীফম অদূ য়াম্না চীঙ- লেম্না, অমগা অমগা ভাব তামিন্নবা ফীভমদা চত্থখি হায়না মহাক্না ফোঙদোকখি।
মিনিষ্টর অৱাংবৌ ন্যুমাইনা তোংলকখিবা ফ্লাইট অদূমক্তদা ষ্টেট লৈঙাক্কি হেল্থ এন্দ ফেমিলি ৱেলফ্যের মিনিষ্টর অমসুং লৈঙাক অসিগী স্পোক্সপর্সন দা. সাপম রঞ্জনসু য়াওরকখি। অতৈ এম এল এ, মিনিষ্টরশিংসু মথং-মথং ইম্ফালদা য়ৌশিন্নরকখ্রে হায়রি।হৌজিক অনীশুবা মীফম অমসু অথূবা মতমদা পাঙথোক্লগনি হায়না মিনিষ্টর অসিনা মখা তাখি।
You may also like
-
পুলিস ফোর্স তা অহোংবা লৈহন্দুনা অৱাং নোংপোক্তা লৈরিবা লালহৌবগী ঈরাং লোইশিন্ননবা হোৎনরগনি: অমিট শাহা
-
এ দি আর কমপ্লেক্সতা সুপ্রিম কোর্ট কি জজ এন কোটিশ্বরগা ইন্টরেক্সন পাঙথোকখ্রে, লিগেল এৱেরনেস প্রোগ্রাম অমসু চত্থখ্রে
-
পাল্লিবা লৈঙাক অসীনা কন্সটিট্যুসনগী প্রোবিজনশিং ইফোং ফোংনা খোঙ্গাওনরি: ইবোবি
-
প্রাইভেট স্কুলগী প্রিন্সিপাল অমা খদ্রক তৌরম্বগীদমক দেসামগী থৌমীশিংনা ফারগা পুলিসতা শিন্নখ্রে
-
আমিট শাহানা পারলিয়ামেন্টকি ফ্লোরদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি: ইবোমচা