মনিপুর লৈঙাক্কি রুরেল দেভলপমেন্ট এন্দ পঞ্চায়েটি রাজ (আরদি এন্দ পিআর) মিনিষ্টর ওইরম্বা,শীঙজমৈ কেন্দ্রগী এম এল এ য়ূম্নাম খেমচান্দ দা সাউথ কোরিয়াগী গ্লোবেল ত্রেদিস্নেল টাইক্বান্দো ফেদরেসন্না ট্রেদিশনেল টাইক্বান্দো মশান্নদা মঙাশুবা দান পীরক্তুনা ঈকায়খুম্নবা ঊৎলকখ্রে। অসিগুম্বা মখলগী ত্রেদিস্নেল টাইক্বান্দো মশান্নদা মঙাশুবা দান ফংলকপা অসী ইন্দিয়াগী ওইনা খেমচান্দনা ইহান হানবসু ওইরে।
হন্দক সিওলদা পাঙথোকখিবা চীঙ-লেম্লবা থৌরম অমদা ফেদরেসন অদূগী প্রসিদেন্ট জুন লিনা লুচিংবা গ্ৰান্দ মাষ্টর তরুক্না খেমচান্দ দা মঙাশুবা দান অদূ খূৎশীন্নরকখিবনি। হৌখিবা কুমশিং ২০২৪ গী ওক্তোবরদা ফেদরেসন অসীনা শীন্দূনা পাঙথোকখিবা চাংয়েংদা মায় পাকপদগী সার্টিফিকেটকা লোয়নরবা দান অসী খেমচান্দ দা পীরকখিবনি।
অদূম ওইনমক মনিপুরগী হীঙশাগী ঈরাং অসীনা মরম ওইদুনা মতমদুদা সিওলদা চত্তুনা মতম চানা সার্টিফিকেট অদূ লৌবা ঙমহৌদবনি হায়রি।খেমচান্দ অসী হৌজিক মশাগী চহী ৬২ শুরে। মহাক্না ঈঙ-কুমশিং ১৯৮২ দা ওল আসাম ট্রেদিস্নেল টাইক্বান্দো এসোসিয়েসনগী ফাউন্দর প্রসিদেন্ট ওইনা লৈরম্বগা লোয়ননা মশান্না মখল অসীবু অৱাং নোংপোক লমদমদা হেন্না চাওখৎহন্ননবা থবক-থৌরমশিংদা মীৎয়েং চঙদুনা লাকখিবনি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা