মনিপুর লেজিসলেটিভ এসেমব্লি দা ফেক এপ্পোইন্টমেন্ট গী ৱাথোক অমা নৌনা লাকলে। হীরম অসীগী মতাঙদা থিগত্তুনা চেন্নরিবা মরাল লৈবশিং ফাগত্তুনা আইনগী ওইবা চৈরাক পীবিনবা এসেমব্লি অসীগী মায়কৈদগী লম্ফেল পুলিস ষ্টেসন্দা কমপ্লেন্ট অমা থাঙ্গৎখ্রে।
মসীগী মতাংদা এসেমব্লিগী পব্লিক রিলেসন্স ওফিসার য়ূম্লেম্বম নিকেশনা চেরোল অমা থাদোরক্লি। চেরোল অসিদা পল্লক্লিবা ৱাফমদি, মনিপুর লেজিসলেটিভ এসেমব্লিদা ফেক এপ্পোইন্টমেন্ট দা মীওই ১০ লোন্না থবক হাপচীল্লে হায়বগী পাউ লৈরে। রিগুলর পোষ্ট তা সুপরভাইজর অমা, এম টি এস মঙা, এল দি সি অমা, একাউন্টেন্ট অমা অমসুং এফ এ অনীনি। চহী অসীগী মার্চ ২৬ তা থোকখিবা ওর্দর অমদা মখোয়শিং অসি থবক হাপচীল্লম্বনি হায়রি।
হায়রিবা মতম অসিদা মনিপুর লেজিসলেটিভ এসেমব্লিদা কনাগুম্বা অমত্তা থবক হাপ্ননবা নোটিস থোকখিবা অমদি এপ্পোইন্টমেন্ট লেটরনচিংবা অমত্তা পীখিবসু লৈতে। মসী ফেক এপ্পোইন্টমেন্ট ওইগনি । মসিনা মরম ওইদুনা এসেমব্লিগী মায়কৈদগী মরাল লৈবশিং অদূগী মথক্তা আইনগী ওইবা এক্সন লৌখত্তু না দন্দি পিবিনবা কমপ্লেন্ট থাঙ্গৎখিবনি হায়রি। হৌখিবা এপ্রিল ২৭ কি নুংথিল পূঙ ১.৩০ তাবদা অইবা কমপ্লেন্ট অদূ লম্ফেল পুলিসতা থাঙ্গৎখিবনি হায়বা ৱাফম মহাক্না মখাতানা ফোঙদোকখি।