ঙরাং নুমিদাং পূং ৬.২৩ রোম তাবদা ইম্ফালগী মহাবলি কবুই খুল দোল্লি মোমো মনাক্তা লৈবা দা. পাউফুল্লুং গাংমৈ অপোকপা লৈখিদ্রবা শামু গাংমৈগী পাক্কা বিল্ডিংগী মথোল মরি মঙারোম ৱাংবা য়ূম অমা মৈ চাকখৎলকপদগী মনিপুর ফায়র সার্বিসনা মতম চানা চঙশীন্দুনা কলহৌবা ঙমখ্রে। মৈহৌ- লাংপোক্কি থৌদোক অদূ য়ূম অদুগী অহুমশুবা নত্রগা মরীশুবা ফ্লোরদগী হৌরকখিবা ওইগনি হায়বগী চিংনবা লৈরি। মৈ চাকপগী পাউ অদূ হেক ফংবগা মনিপুর ফায়র সার্বিসকি দিরেক্তর মশামক য়াওনা ৱাটর টেন্দরর অমগা ফোম টেন্দরর অমগা, ৱাটর বাউজর অনী অমসুং সাইমন স্নোরকেল য়াওনা পূন্না গারী তরুক খোঙলৈ থুনা-য়াঙনা চেন্সিন্দুনা থবক পায়খৎখি।
মৈ চাক্লিবা মফম অদূগা থংনরিবা য়ূম অমসুং অতৈ ষ্ট্রকচরশিংদা মৈরী শন্দোকখিদনবা হোৎনবগা লোয়ননা চাক্লিবা মৈ অদু য়াম্না থুনা মূত্থৎননবা থবক লৌখৎপদগী থৌদোক অদূনা য়াম্না কা হেন্না অমাঙ- অতাশিং থোকহল্লম্বা য়াবদগী কনবা ঙমহৌরে হায়না মনিপুর ফায়র সার্বিস, ইম্ফালগী কন্ট্রোল রুমদগী ফায়র ওফিসারনা খঙহল্লক্লি।
মনিপুরদা কা হেন্না মহৌশাগা মান্নদনা ঈঙবগী চাং কা হেঞ্জিল্লক্লিবা মতমসিদা মীয়াম্না মৈ তীকপা মতমদা চেকশীনবিয়ু হায়না দিরেক্তরনা ফোঙদোকখি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে