মনিপুর-ম্যান্মার ঙমখৈ পরিং, বোর্দর পিল্লর নম্বর ৭২ মনাক্তা ঈরৈপাক- ঈরমদম ঙাক্ননবা চৎখিবা খোঙচৎ অমদা হৌখিবা ওক্তোবর ২৩দা লৈখিদ্রবা, আইন্না অথীংবা থমখ্রবা আর পি এফ/পি এল এ গী মেজর ওইনাম বাবু মৈতৈ এলাইজ গুলুগী লান্ন-থৌরম ঙরাং মশীং য়াম্লবা ঈরৈচাশিংনা শরুক য়াদুনা মহাক্কি পোক্নফম লমদম ওইরিবা জিরিবামগী কদমতালাদা মীয়াম্না মপূংফাবা ঈকায়খুম্নবা ঊত্তুনা লাইনিং-লাইশোন কয়াগা লোয়ননা পাঙথোকখ্রে।
লৈখিদ্রবা গুলুগী ফোতোদা মীয়াম্না লৈ-শু কয়ামরুম কত্তুনা ঈকায় খুম্নবগা লোয়ননা মহাক্কি থৱায়না তাইবং মপূগী খূয়াদা ঈঙনা-চীক্না লৈরুনবা থৌনিজখি। জিরিবামদা লৈরিবা সিভিল সোসাইটি ওরগনাইজেসনশিং, মীয়াম, ঈমূং-মনূং অমসুং মরী-মতাশিংনা মহাক্কি লান্ন-থৌরম পাঙথোকখিবগী মথক্তা গুলুগী হকচাং লৈরোল চনখিবা মফম ওইরিবা হৈরোক্তসু মীওই চা কয়ানা শরুক য়াদুনা লান্ন-থৌরম পাঙথোকখি।
মীতৈ ফূরুপকি চৎনবী মতূং ইন্না লাইনীং-লাইশোনগী থৌরম মপূংফানা পাঙথোক্তুনা লান্ন-থৌরম থৌরম পাঙথোকখি। ম্যান্মারগী পি দি এফ অমসুং কুকি নেস্নেল আর্মি (বি)গী অপূনবা খূৎপু অমনা লোন্না এত্তেক চত্থরকপদগী আর পি এফকি মেজর গুলু য়াওনা য়াওল্লোয় অহুম থৱায়না পোন্থা পীখিবনি। অতৈ য়াওল্লোয় অনী অদুনা প্রিপাক (প্রো) গীনি।
You may also like
-
কোকোমিগী মাস এৱের্নেস কেম্পেইন ওফ টু য়ার্স ওফ মনিপুর ক্রাইসিস পাক- সন্না পাঙথোকপা হৌখ্রে
-
হান্নগী সি এম বিরেনগীনি হায়বা ওদিও ক্লিপকি ফোরেন্সিক রিপোর্ট এস সিদা লানখৎনবা শেম শাখ্রে
-
য়ুনিয়ন মিনিষ্টর জ্যোটিরাদিত্য এম সিন্দিয়ানা মনিপুরগী গভর্নর অজয় কুমার ভাল্লাগা উন্নখ্রে
-
ফ্লোরিদা ষ্টেট য়ুনিভর্সিটিদা মীওই অমনা নোংমৈনা কাপ্প দা অনী শিরে, তরুক শোক্লে
-
কাপিল সিবালনা সেন্টরবু অকনবা মওংদা মরাল শীখ্রে