ইম্ফাল ইষ্ট দিষ্ট্রিক্টকি মনূঙচন্না পোরোম্পাৎতা লৈবা জেমিম্স হোস্পিটালগী অকোয়বা মফমশিংদা মফম-মরাং খঙদনা লন্নাই ওইনা গারি থৌরিবা ওটো রিক্সো দ্রাইভরশিংনা মশা-মশাগী শেল ফংবখক্কি ৱাখল্লোন্দা মী চিনখ্রবা হোস্পিটাল অসীগী মমাঙদা গারী খামজিনবদগী ইমর্জেন্সিগী অনাবা পুরকপা গারীশিং য়াওনা মীওই কয়াদা অপনবা,খুদোংচাদবা কয়ামরুম মায়োক্নহল্লে হায়রি।
হোস্পিটাল অসীগী অকোয়বদা লৈরিবা ঈরম-নালা য়াওনা তুরেল মচা-মচাশিং অসীগী শরুক্তসু মফম অসীদা হোটেল ফম্লিবা, দুকান, ফার্মাসি ফম্লিবশিংনা লম খোপচীনবগী মথক্তা লেপ্পা লৈতনা নুংতি- নুমিৎ খুদিংগী অমোৎ-অকাই কয়ামরুম থাধবদগী ঈরম-খোংলমশিং অসী নীঙথীজনা ঈশীং চেন্দবনা, মীয়ামগী হকশেলদা য়াম্না মিপাইনিঙায় ওইবা ফীভমদু য়ৌরে।মরম অদূনা হীরম অসীগী মতাঙদা চিফ মিনিষ্টর য়ূম্নাম খেমচান্দ গী অনৌবা বি জে পি লৈঙাক্না অখন্নবা মীৎয়েং চঙবীদুনা লম খোপচীল্লিবা অমদি লমহেন -তুহেনবশিং অসীগী মথক্তা অকনবা এক্সন লৌখৎপিয়ু, লম খোপচীন্দুনা শেমগৎ-শাগৎলক্লিবা ষ্ট্রকচরশিং অসী তকখায়বিয়ু হায়না সোসিয়ল এক্টিভিষ্ট অমা ওইনা লৈরিবা এল তোম্বনা লৈঙাক্কি মরী লৈনবা অথোরিটিগী মীৎয়েং চিংশিল্লক্লি।
মফম চাদনা গারী পার্ক তৌরিবা গারীশিংগী মপূ অমসুং দ্রাইভরশিং অসীসু লৈঙাক্কি ট্রাফিক পুলিসনা, য়াদে হায়বা অমা খঙহনবগা লোয়ননা লো লৈ হায়বদু খঙজনবা অকনবা চৈরাক পীবিয়ু, ট্রান্সপরেন্সি লৈনা থবক পায়খৎপিয়ু হায়রক্লি।
You may also like
-
আই সি আই সি আই প্রুদেন্সিয়েল লাইফ স্মোলকেপ ২৫০ ইন্দেক্স ফন্দ লোঞ্চ তৌখ্রে
-
থোক্লিবা হীঙশাগী ঈরাঙ অসী মখা তাহন্দনবা ঐখোয় পূন্না হোৎনমিন্নসি: সৈত্যব্রত্ত
-
নাগা কুকি অনীগী উংখৎনবা হেঙ্গৎলক্লে, নাকল অনীগী মীওই অহূম শোক্লে, লাইসেন্স নোংমৈ পীখৎলক্নবা ওর্দর থোকখ্রে
-
চেতক স্ক্রিন এৱার্দস সিরেমোনিগী নোমিনেসন লিষ্ট ফোঙদোরকখ্রে
-
হোম মিনিষ্টর উনরুনবা চিফ মিনিষ্টর য়ূম্নাম খেমচান্দ ইম্ফাল থাদোকখ্রে