ঊখ্রূল ডিস্ট্রিক্কী মনুং চনবা লীতান শরৈখোংদা থোক্লিবা কাঙলূপ অনীগী ঈরাঙ অসী অথূবা মতমদা ঈং-তপ্পা শক্তম পুরক্তুনা মহৌশাগী ফীভমদা হঞ্জিলহন্ননবা লৈঙাক্না অখন্নবা থৌরাং লৌখৎলে। সিভিল সোসাইটি ওরগানাইজেসনশিং, কম্যুনিটি লিদরশিং অমসুং সেক্যুরিতী ফোর্সকী মতেং লৌদুনা হীঙশাগী ঈরাঙ অসী লোইশিন্ননবা থবক অকনবা মওংদা লৌখৎপসু হৌখ্রে, অথূবা মতমদা শান্তি পুরক্নবা হোৎনরি হায়না মনিপুর লৈঙাক্কি দিপ্যুটি চিফ মিনিষ্টর ওইনা লৈরিবা লোসি দিখোনা ফোঙদোকখ্রে।
নাগা পিপলস ফ্রন্ট (এন পি এফ) না শীন্দুনা পাঙথোকপা মহাকপু তরাম্না ওকপগী থৌরম অমা য়াওবা লাকপদা মিনিষ্টর অসিনা ৱাফম অসী ফোঙদোকখিবনি। মহাক্না হায়, করিগুম্বা হীঙশা য়াওবা ঈরাং অমা থোক্লকপদা খূদক্তা লাকশীনবা হায়বসি য়াম্না খুদোংচাদবা মায়োক্নরকপা মতাঙ য়াওরকই। অদূম ওইনমক লৈঙাক অসীনা য়ারিবমখৈ অথূবা মতমদা ঈরাং অসি মপূঙফানা লাকশীন্ননবা কম্যুনিটি অনীগী লিদরশিং য়াওনা সীভিল সোসাইটি ওরগানাইজেসন কয়াগী মপূঙফাবা তেঙবাংগা লোয়ননা মনিপুর লৈঙাক্কি মায়কৈদগী অকনবা থবক পায়খত্তুনা হোৎনরি হায়না মহাক্কি ওইবা পূক্নীঙগী ৱারোল থম্লদুনা দিখোনা কম্যুনিটি অনীগী মীওইশিংদা হীঙশা থাদোকপিননবা আপিল তৌখি।
ঈরাং লাকশীন্ননবা মায়কৈ কয়াদগী সপ্পোর্টকা লোয়ননা হোৎনরিঙৈ চৈরক্তা কনাগুম্বা ঈরাঙ শাগৎপা পাম্বা মীফত্তা খরনা অতম্ননা হীঙশা থোকহন্ননবা হোৎনরক্লিবসি য়াম্না লাইবক থীবনি। মখোয়শিং অদু থিদোক্তুনা মশক খঙদোকপগা লোয়ননা মতীক চাবা দন্দি পীনবসু হোৎনরি হায়না মিনিষ্টরনা ফোঙদোকখি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে