বি জে পিগী এম এল এনা মীয়ামগী মীহূৎ ওইনা লৈরিবা কেন্দ্র অমা ওইরিবা ইম্ফাল ইষ্ট দিষ্ট্রিক্টকি মনূঙচনবা লম্লাই কেন্দ্রদা ঈমূঙ তরুক্কি মীওইশিং পুল্লপ ওইনা, বি জে পি থাদোক্লগা কংগ্ৰেস পার্টী দা চঙখ্রে।
নৌনা কংগ্ৰেসতা লাকখ্রবা ঈমূঙ তরূক অদূগী মনূঙদা হৌজিক হৌজিক ৱার্দ মেম্বর ওইনা লৈরিবা মীওই অমগী ঈমূঙ অমসুং মমাঙদা ৱার্দ মেম্বর ওইরম্বা অমনা লুচিংবা ঈমূঙ অমসু য়াওখ্রে।মতম শাংনা মীয়ামগী য়াইফনবা থবক অমত্তা পায়খৎলকখিদ্রবা, মখূত্তা শক্তি পায়শীনখ্রবা মতূঙদা মীয়াম্বু করিসু লৈতনা খল্লিবা কেন্দ্র অসীগী বি জে পিগী এম এল এ অসীদগী করিগুম্বা মখলগী আসা অমত্তা তৌনিঙায় লৈত্রে হায়বসি তশেংনা খঙলবা অমসুং উরবা মতূঙদা, মীয়ামগা খূৎশম্নদুনা অৱাবা তারবা লায়রবা মীয়ামগীদমক অহীঙ-নুংথিল খায়দনা মতেঙ পাংবগী থবক তৌরিবা কংগ্ৰেস পার্টীগী মীরেপসু ওইগদৌরিবা অচোইবম দেবেন্দা মপূঙফানা মতেঙ পাংজরগে হায়বা অচেৎপা ফিরেপ অমমমগা লোয়ননা চঙলকপনি হায়না নৌনা কংগ্ৰেসতা লাকখ্রবা মীওইশিং অদূনা ফোঙদোকখি।
বি জে পি লৈঙাক মনিপুরদা লাকখিবদগী চীঙ-তমগী মরক্তা নুংশিনবা লৈরক্তবা, তমগী মীনা চীঙদা চৎপা ঙমহন্দবা অমদি চীঙমীশিংসু তমদা লাকপা য়াহন্দবা, মনিপুর থুগাইনবা হোৎনরিবা, লমদমসিগী অপূনবা শক্তম থুগাইনবা শীল্লিবা বি জে পিদগী লাপ্না লৈজরগে খন্দুনা ঈমূঙ তরূক অদূ কংগ্ৰেসতা চঙলকপনি হায়না নৌনা চঙলকখ্রবশিং অদূবু তরাম্না ওকপা থৌরমদা লম্লাই কেন্দ্রদা কংগ্ৰেস পার্টীগী মীরেপ ওইদুনা লাক্লিবা অচোইবম দেবেন্না ফোঙদোকখি।
You may also like
-
কিদনেপ তৌখিবা নাগা ২১ থাদোরকখ্রে, কুকি খুঞ্জা ২ হাৎখিবা থৌদোক এন আই এদা থিগৎহল্লগনি: সি এম
-
এগ্ৰিকলচর দিপার্টমেন্ট অসী করপ্সন মকোল ওল্লে: মেঘচন্দ্র
-
সেন্সসকি মায়োক্তা মীয়ামগী ঈরাং পোকখায়বা হৌরক্লে,মীওই তরুক কি মথক্তা শোক্লে
-
কুকি মিলিটেন্টনি চিংনবশিংনা ৱিঙ্গর তোংদুনা লাকখিবা পেসেঞ্জরশিং কিদনেপ তৌখ্রে
-
অমুকোনা গুগুনবু তরাম্না ওক্তুনা খূদোল তমখ্রে