হৌখিবা কুমশিং ২০২১ গী জুলাই থাদা মশাগী লৌ খোইরিঙৈদা মশানা থৌবা ট্রেক্টরনা ননশিনবদগী লৈখিদ্রবা খাঙবোক মাইস্নাম লৈকায়দগী নিংথৌজম দিজেনগী পীক্লিবা মচানূপা অমসুং মচানূপী অমগা, পূন্না অঙাঙ অনী অসীগী ওইনা ক্লাস টেন ফাওবগী মহৈ তম্ননবগী অচঙবা শেনফম খূদিংমক লাইক মাইন্দেদ গ্ৰুপ না পুথোক্কনি হায়না মমাঙদা ফোঙদোকখিবগী মতুং ইন্না থা অসিগী ১৮ দা লূপ অসীনা লৈখিদ্রবা দিজেনগী য়ূমদা চত্তুনা মতেং পীবা হৌখ্রে।
লমদম অসীগী অৱাবা তারবা ঈমুংশিংদা এল এম জিনা কোয়না চত্তুনা মতেং পাংবগী থবক-থৌরমশিং চত্থদুনা লাক্লিবনি। দিজেনগী লোয়নবি কুঞ্জবতিদা এল এম জিনা চৎলিবা একাদেমিক সেসন ২০২৫ কি ওইনা অঙাঙ অনী অসীগী এদমিসন অমসুং ট্যুসন ফী ওইননবা লূপা ২০,০০০ গী শেনফম খূৎশীন্নখি।
অতৈ ষ্টেসন্নরি আইতেমশিং অমসুং চান-থক্ননবা পোৎলমশিংসু মতেং পাংখি।দিজেন লৈখিদবগী পাউ অদূ ফংবগা এল এম জিনা খূদক্তা চঙশীন্দুনা অৱাবা তারবা ঈমূং অদুদা শেলগী মতেং পাংবসু লৈখ্রবনি।