মনিপুরদা পোপ্যুলর লৈঙাক অমা শেম্লকপা তারবদি কুকি-জো কাঙলূপকি এম এল এ তরা য়াওবা য়ারোই হায়না কুকি ইনপী মনিপুরনা অকনবা ৱাফম ফোঙদোক্তুনা দিক্তেদ তৌরক্লিবসি ওইথোকপা য়ারোই, মৱা লৌবা য়াবা নত্তে হায়না থাদৌ ইনপী মনিপুরনা ফোঙদোকখ্রে।এম এল এ তরা অসীগী মনূঙদা কুকি ইনপী মনিপুরনা ফম্মূ হায়রগা ফমগদবা, লেপ্পু হায়রগা লেপকদবা, মখোয়গী দিক্তেসন্দা চৎকদবদি শুপ্নগী এম এল এ অহুমখক্তনি, মখোয় অদুদি এন্নী কুকি ট্রাইবকি মনূঙদা লৈরিবা কিম্নিও কৈশিং, পাউনিয়েনলাল হাওকিপ অমসুং লেটজামাং হাওকিপ হায়রিবশিং অসীখক্তনি হায়রি।
থাদৌ ইনপী মনিপুর হায়রিবা অসী থাদৌ, জো কম্যুনিটিগী অপূনবা সিভিল বোদি অমনি হায়রক্লি। এম এল এ নেমচা কিপজেন, লেটপাও হাওকিপ অমসুং হাওখোলেট কিপজেন হায়রিবা এম এল এ অহুম অসীনা থাদৌনি হায়জীন্দুনা সেদ্যুল্ড ট্রাইব সার্টিফিকেট পায়রম্লে। মখোয় অহুম অসী হৌজিক করম্বা জাতিনি হায়দৌরিবনো, মখোয়সি অশেংবা কুকিরা নত্রগা থাদৌরা খঙনবা এনক্বারি তৌদুনা থিদোকপা মথৌ তারে হায়রি।
এন্নি কুকি ট্রাইবকি মনূঙ চন্না লৈহৌরিবা মীওই হায়রগদি হৌজিক এম এল এ তরা অসীগী মনূঙদা কিম্নিও হাংশিং, পাউনিয়েনলাল অমসুং লেটজামাং হাওকিপ হায়রিবা অহুম অসীখক্তনি। কুকি ইনপী মনিপুরনা দিক্তেদ তৌবা য়াবদি মখোয় অহুম অসী মঙায়রে। ভূংজাগিন ভালতে, এল এম খৌটে, চিনলূন্থাং, ঙুরশাংলুর সনাটেগুম্বদদি দিক্তেদ তৌশিল্লক্কনু হায়না থাদৌ ইনপী মনিপুরনা অকনবা ৱাফম ফোঙদোরক্লি।