কংলৈপাক ষ্টুদেন্টস এসোসিয়েসন (কে এস এ) থৌবাল ডিষ্ট্রিক্ট কাউন্সিলনা এন জি এল লৌরেম্বমগা খূৎশম্নরগা দিষ্ট্রিক্ট হেল্থ সোসাইটি থৌবালগী মীৎয়েং মখাদা নোংমগী ওইবা ফ্রী মেদিকেল কেম্প অমা লৌরেম্বমদা পাঙথোকখ্রে।
লৌরেম্বম অমদি লাংমৈথেৎ এরিয়াগী মীয়ামদা হকশেলগী হীরমদা কান্নবা ফংহন্ননবা পান্দমদা পাঙথোকখিবা ফ্রী হেল্থ কেম্প অদুদা সি এম ও থৌবাল অমসুং এন জি এল লৌরেম্বমগী থৌমীশিংনা য়াম্না চাউনা মতেং পাংলকখিবগীদমক কে এস এ গী মায়কৈদগী থাগৎলি হায়না মহৈরোয় লূপ অসীগী থৌবাল ডিষ্ট্রিক্ট কাউন্সিলগী প্রসিদেন্ট লাইশ্রম রবিনা ফোঙদোকখি।
মায়কৈ অসীগী মীওই ১৫০ দগী ২০০ রোম মেদিকেল কেম্প অদূনা লায়েংদুনা কান্নবা ফংহনখি লোয়ননা হীদাক লাংথক কয়াসু লেম্না য়েন্থোকখি।কে এস এ না মতম কয়াদগী হৌনা অসিগুম্বা মীয়ামদা কান্নবা পীরিবা মেদিকেল কেম্প কয়ামরুম চাং নাইনা পাঙথোক্তুনা লাকপগী মথক্তা মীয়ামগী ওইবা ইস্যু কয়াদসু শরুক য়াদুনা লাক্লি হায়না রবিনা ফোঙদোকখি।
