মনিপুর য়ুনিভর্সিতি (এম য়ূ) গী ভাইস চাঞ্চেল্লর ওইনা লৈরিবা দা.নাউরেম লোকেন্না মতম কয়াগী মমাঙদগী য়ুনিভর্সিতী অসি মশাগী মরন্নাই ওফিস অমগুম তৌনিং-তৌনিংবা থবক-থৌরমশিং চত্থদুনা লাকপগা লোয়ননা অরানবা থৌওং অমদি রিক্রুইটমেন্ট স্কাম কয়ামরুম চত্থদুনা লাক্লিবা অসিদা হায়র অথোরিটিনা ঙসীফাওবা মীৎয়েং চঙবীদবা অমসুং করিসু খঙদবা ভাবোক্কুম তূমিন্না য়েংদুনা লৈশিল্লি হায়না চার্জ তৌবগা লোয়ননা থৌওং অদূবু কন্না য়ানিংদবা ফোঙদোক্নরক্তুনা ঙরাং য়ুনিভর্সিতী অসীদা কংলৈপাক ষ্টুদেন্টস এসোসিয়েসন (কে এস এ) গী মশীং য়াম্লবা থৌমীশিংনা থোমজীল্লক্তুনা অকনবা খোঙজং চঙশীনখ্রে।
মতীক চাদ্রবা, কলপ্রিট অমা ওইরবা ভি সি লোকেন খূদক্তা মফম লৌথোকউ, মহাক্কি মথক্তা হায় লেভেল ইনক্বারি চত্থদুনা মরালগী মতূঙ ইন্না অকনবা চৈরাক ফংহল্লু, আইন কায়না চত্থবা জোব রিক্রুইটমেন্ট স্কাম খূদক্তা লেপকদবনি, এম য়ুদা কলপ্রিট নত্তবা ভি সি অমা মথৌ তাই, এম য়ূ কল্লু, ঐখোয়গী মীরোল ঙাক-শেল্লু হায়বা বেন্নরশিংগা লোয়ননা অকনবা খোল্লাউশিং লাউরদুনা চঙশীল্লকখিবা কে এস এ গী য়াম্লবা থৌমীশিং অদুনা এ-ব্লোক্কি গেট ছো লোন্সিন্দুনা থমখি।
মখোয়না ভি সিগী ওফিস তম্না য়েরুম কয়ামরুমসু লংশিনখি।
এম য়ূগী ভি সি অসিনা নমথাক কয়া তৌদুনা চল্লাইরিবা য়ুনিভর্সিতী অসিদা মহৈরোয়শিংনা আশা তৌনিঙায় অমত্তা লৈতে।মহাক লৌথোক্ট্রিফাওবা লেপ্তনা অকনবা খোঙজঙশিং চত্থখিগনি হায়না কে এস এগী প্রসিদেন্ট সেরাম হেমজিৎ মৈতৈনা ফোঙদোকখি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে