অকক্নবা ইন্টেলিজেন্সকি পাউ অমা ফংবদগী মনিপুর পুলিস অমসুং অসাম রাইফলসকি অপূনবা এন্টি-নার্কোটিক্স টাস্ক ফোর্স টিম অমনা থি-হূম্বগী থবক চত্থরকপদা নূপী অমা য়াওনা মীওই অহুমদগী য়াম্লবা য়াবা টেব্লেট কেজি ৫.৮৯ ফাগৎপা ঙমখ্রে। দ্রগকি কন্সাইনমেন্ট অদূ ইন্টর্নেস্নেল মার্কেট তা চাউরাক্না লূপা ক্রোর মঙারোমগী ওইগনি হায়রি।
চুরাচান্দপুর দিষ্ট্রিক্টকি মনূঙচনবা মফম অমদগী তেংনৌপল দিষ্ট্রিক্ট তম্না এন্টি-সোসিয়েল ওইবা মীওই খরনা দ্রগ পুরক্নবা থৌরাং তৌরি হায়বা, য়াম্না থাজবা য়াবা পাউ অমা ফংবদগী কম্বাইন টিম অদূনা তেংনৌপল দিষ্ট্রিক্টকী নাকা চেক পোইন্ত তা মীৎ-না শিংনা অচৎ-অওকশিং চেক তৌদুনা লৈরিঙৈ চৈরক্তা চুরাচান্দপুর দিষ্ট্রিক্টলোমদগী মহিন্দ্র বোলেরো রেজিষ্ট্রেসন নম্বর এম জেট ০১এফ-৫০১৩ হায়রিবা গারি অসি লাকপদগী খামদুনা চেক তৌখি। মতমদুদা য়াম্লবা য়াবা টেব্লেট কেজি ৫.৮৯ লোন্না পুরম্বা থেংনখি।
দ্রগকা কোন্ননা ফাগৎলবশিং অদুদি তেংনৌপল দিষ্ট্রিক্ট তগী জেমস বাইটে (২৮), দিষ্ট্রিক্ট অসিমক্তদগী হাৎনৈকিম বাইটে (৫০) অমদি চুরাচান্দপুর দিষ্ট্রিক্ট তগী দেবিত টি মাটে হায়রিবশিং অসিনি।মখোয় অদু নার্কোকিক্স দ্রগ এন্দ সাইকোট্রোপিক সব্সটেন্স এক্ট (এন দি এন্দ পি এস) এক্ট, ২০২৩ গী মখাদা বুক তৌখ্রে লোয়ননা মখা তানা থিজিনবগী থবক চত্থবসু হৌরে হায়রি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে