কোহসেম্না লৌবা ক্লাস ট্যুয়েল্ফ ইগজাম-২০২৫ কি ফল লাউথোকখ্রে

কাউন্সিল ওফ হায়র সেকেন্দরি ইদুকেসন মনিপুর (কোহসেম) না লৌবা চহী অসীগী হায়র সেকেন্দরি স্কুল লিভিং সার্টিফিকেট ইগজামিনেসনগী ফল ঙরাং লাউথোকখ্রে। আর্টস অমসুং সাইন্স সবজেক্টশিংদা প্রাইভেট স্কুলশিংনা, অদূগা কম্মর্স ষ্ট্রিমদনা লৈঙাক্কি মখাদা লৈবা স্কুলনা মকোক মথঙ তাদুনা পোজিসন হোল্ডরশিং ওইখ্রে।

আর্টস সবজেক্ট তা পূন্না মহৈরোয় ৭৬৩২ এনরোল তৌরকখিবগী মনূঙদা মহৈরোয় ৭৫৩২ না ইগজাম পীখি। মদূগী মনূঙদা মহৈরোয় ৬৭৮৮ পাস তৌখি। সবজেক্ট অসীগী ওইনা এনলাইটন নোলেজ হায়র সেকেন্দরি স্কুল সঙাকফম্না অহানবা, অনীশুবা অমসুং অহূমশুবা পোজিসনশিং লৌখ্রে। আর্টস সবজেক্ট অসিগী ফার্ষ্ট দিভিজন্দা মহৈরোয় ১৬২১, সেকেন্ড দিভিজন্দা ৩৭৮০ অমসুং থার্দ দিভিজন্দা মহৈরোয় ১৩৮৪ নি।মসীগা লোয়ননা মহৈরোয় ১২৩ লেট্টর মার্ক ফংখি।

সাইন্স ষ্ট্রিমদা মহৈরোয় ২০৮৯৩ না এনরোল তৌরকখিবগী মনূঙদা মহৈরোয় ২০৮৪৮ ইগজাম পীখি অদুগা পাস তৌরকখিবনা মহৈরোয় ১৯,৯০০ ওইখি। ফার্ষ্ট দিভিজন্দা মহৈরোয় ১২,৭১৬,সেকেন্দ দিভিজন্দা ৬৯৩৪ অমসুং থার্দ দিভিজন্দা মহৈরোয় ২২৮ নি। সবজেক্ট অসীগী ওইনা চঙাঙ্গৈদা লৈরিবা কোমেট স্কুলনা অহানবা পোজিসন লৌখ্রে। অহুমশুবা পোজিসনসু স্কুল অসীগী মহৈরোয়না লৌবা ঙমখি অদুগা অনীশুবা পোজিসন্না চঙাঙ্গৈদা লৈরিবা হর্বার্ট স্কুলনা লৌখ্রে।

কম্মর্স ষ্ট্রিমদনা টি জি হায়র সেকেন্দরি স্কুলনা অহানবা, অনীশুবা অমসুং অহুমশুবা পোজিসনশিং ফংখ্রে। ষ্ট্রিম অসীগীদমক এনরোল তৌরকখিবা মহৈরোয় মশীঙ ৫৪০ নি। মসীগী মনূঙদা ইগজাম পীখিবনা মহৈরোয় ৫২৯ নি অদুগা পাস তৌবা মশীংনা ৪৮৭ নি। ফার্ষ্ট দিভিজন্দা মহৈরোয় ১৮৫,সেকেন্দ দা ১৯১ অমসুং থার্দ দিভিজন্দা মহৈরোয় ১১১ নি।