খুলঙাকপা ফাবা, হাৎপগী মায়োক্তো মৈরা পায়বী ঈমাশিং মৈ হৌরে, খোঙজঙ লেপত্রি

মমাঙ চহী ২০২৪ গী অরোয়বা দিসেম্বর থাগী ১৪ দা থৌবাল দিষ্ট্রিক্ট কি সলুংফম স্কুল মনাক্তা মনিপুর লৈঙাক অসীগী পুলিশ কম্মান্দো খূৎপূ অমনা নোংমৈনা কাপ্পদা খুল ঙাকপা ভিল্লেজ ভল্লন্টিয়র অমা শিখিবা অদুগা অতোপ্পা ভল্লন্টিয়র ৬ না ফাজিনখিবদগী ঙসীফাওবা থাদোক্তনা লৈরিবা অসিবু খম থেংনা য়ানিংদবা ফোঙদোক্তুনা লমদম অসীগী মৈরা পায়বী ঈমাশিংনা হনবা নাইদনা ঙসীফাওবা খোঙজঙ চত্থবা লেপত্রি।

মসীগী অকনবা খোঙজঙ অসীগী শরুক অমা ওইনা মখা তারকপদা থা অসীগী ১৭ তসু ইম্ফাল নোংচুপ পানাগী মনূঙ চন্না লৈরিবা ফূম্লৌগী মৈরা পায়বী ঈমাশিংনা ফূম্লৌ সোরোক মপান কম্যুনিটি হোলদা খুল ঙাকপা ঈচাশিং ফাবা অমসুং হাৎপগী থৌওং য়াবা ঙম্লোই হায়বা প্লেকার্দশিং পায়দুনা অকনবা খোঙজঙ চত্থখ্রে। ফূম্লৌ অপূনবা নূপী লূপ্না শীন্দুনা চত্থখিবা অকনবা খোঙজঙ অদুদা লূপ অসীগী জেনরেল সেক্রেটরি অহন্থেম ওঙবী সুনিতানা হায়, মনিপুর পুলিস কম্মান্দোশিংনা হৌখিবা চহীগী মে অহুমদগী কুকি- মিলিটেন্টশিংনা মৈতৈ ফূরূপকি মথক্তা লান্দারক্তুনা মীওই কয়া শিহল্লিবা অদুগা কয়া অমনা শোকহনখ্রবা মতমসিদা ময়ূম- মকৈ লৈহন্দবদগী মীওই লীশীং কয়ামরুম রিলিফ কেম্পশিংদা ঙসীফাওবা লৈরিবা অসীগী মতাংদা কুকি- মিলিটেন্ট অমফাওবা ফাদুনা চৈরাক পীবা ঙমদ্রি।

লমহেন-তুহেনবা কুকি- মিলিটেন্ট শিংদা এক্সন অমত্তা লৌখৎপা ঙমদ্রিবা মনিপুর পুলিস কম্মান্দোশিংনা মৈতৈ মীয়ামগী পুন্সি অমসুং লন- থুম ঙাক্ননবা লৈরিবা ঐখোয়গী ভিল্লেজ ভল্লন্টিয়রশিং ফাবা অমসুং হাৎপগী থবক চত্থরক্লিবসি মমা ওইবিশিংনা খাঙদুনা লৈথোকপা ঙম্লোই হায়খি।