ইম্ফাল দিমাপুর লম্বী, নেস্নেল হায়ৱে নম্বর-২ পরীঙদা কাংপোকপী অমদি কংলাতোংবি এরিয়াশিংদা কোতু না মীয়ামদগী আইনগী ৱাংমদা শেনখায়-থুমখায় চত্থবদা শীজিন্নদুনা লাকখিবা বঙ্কর কয়ামরুম থুগাইবা হৌখ্রে। মনিপুর পুলিস অমসুং সেন্ট্রেল সেক্যুরিটি ফোর্স পার্সনেলশিংগী কম্বাইন্ড টিম্না লম্বী পরীং অসিদা কুকি- মিলিটেন্টশিংনা কোতুগী লুচিংবশিংগা খূৎশম্নরগা বঙ্করশিং অদূ হৌখিবা কুমশিং ২০২৩ গী মে থাদগী শেমগত্তুনা আইন কায়বা মওংদা লম্বীদা চত্থোক- চৎশীন তৌরিবা মীয়াম অমসুং গারি দ্রাইভর, ওনরশিংদগী নোংমৈ চীন্দোলদা নমদুনা দিমান্দ তৌদুনা য়াম্লবা শেনফম কয়ামরুম খোমগত্তুনা লৈরকখিবনি।
বঙ্করশিং অসিদা আইন কায়না খূৎশু- খূৎলায় কয়া শীজীন্নদুনা মীয়ামদগী শেল খোমগত্তুনা লাকখিবনি। শেল পীয়ূ য়াদবশিং ফূবা, হা ৎপা, নোংমৈনা কাপ্পগী থৌদোক কয়াসু লৈখ্রবনি। কংলাতোংবি অমদি কাংপোকপীগী গভলিফাইদা লৈরম্বা বঙ্কর অমসুং ইল্লিগেল চেক পোষ্ট শিং অদূ ঙরাং কম্বাইন্ড সেক্যুরিটি ফোর্স পার্সনেলশিংনা জে সি বি শীজিন্নদুনা থুগাইবা হৌখি। ঙরাং অয়ূক অঙনবদগী হৌনা জে সি বি শীজিন্নদুনা থুগাইবা হৌখিবা অদুবু অথীংবা পীননবা হোৎনরকপনি হায়বা কুকি- কাঙলূপকি মীওই ৬ সেক্যুরিটি ফোর্স না ফাগৎখ্রে।
কুকি ভিল্লেজ ভল্লন্টিয়রশিং ওইবনি হায়না মশা- মশানা ফোঙদোকচখিবা মীওইশিং অদূ পি আর বোন্দশিং সাইন তৌহল্লবা মতূঙদা থাদোকখ্রে হায়না ষ্টেট পুলিসকি পাউ অমনা ফোঙদোরক্লি। ফাগৎখিবা মীওইশিং অদূগী মমীং-মথাদি পুলিসনা ফোঙদোকখিদে।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে