লৈমখোংদা লৈরিবা আর্মিগী কেম্প তা থীকাগী থবক শুবা চঙখিবদগী হৌজিক ফাওবা থিবা খঙদনা লৈরিবা লাইশ্রম কমলবাবুগা পোকমিন্নবা ময়াম্বা লাইশ্রম বিনোদকি ইম্ফাল ৱেষ্ট দিষ্ট্রিক্টকি লোইতাং খূনৌ মনীঙ লৈকায়দা লৈবা য়ূমগী থোঙ্গালদা শকখঙদবশিংনা ঙরাং অয়ূক পূং ৭ লোম তারকপদা হেন্দ গ্ৰেনেদ অমা থমজিন্দুনা অকি-অখঙ থোকহনলম্লে।
বোম অদূ ইমূংগী মীওইশিংনা থেংনরকখিবনি। কমলবাবু মাঙখিবগী মতাঙদা শেমখিবা জে এ সি অথূবদা শিন্দোক্লগা অনৌবা মীওইশিংনা মহুৎ শিন্দোক্কদবনি। মদুদা থিকাদার, কন্ট্রেক্তর অমত্তা য়াওহনবা য়ারোই, মীয়ামগী ঈহৌবু লল্লোনবা মীওই খূদিংমক তুম্না নোংমৈনা কাপ্তুনা হাৎকনি হায়না ইবা চেরোল অমসু বোম অদূনা ননশিল্লগা লৈরম্বা থেংনৈ হায়রি।
হেন্দ গ্ৰেনেদ অমা থমজিন্দুনা অকি-অখঙ য়াওহল্লম্বগী পাউ অদু ইমূঙগী মীওইশিংনা পুলিসতা পীরবা মতূঙদা পুলিস অথোরিটিশিং মফম অদুদা লাক্তুনা অশোয়- অঙাম অমত্তা য়াওহন্দনা লৌথোকখি হায়রি। কমলবাবুগী পোকমিন্নবা ময়াম্বা বিনোদ (৬৮) অসীসু লৈমখোংদা লৈরিবা আর্মিগী কেম্প অসিদা কন্ট্রেক্তর ওইনা থবক তৌরিবা মীশক অমনি অদূম ওইনমক মহাক্তি মশা ঙমদদুনা লৈরিবনি হায়রি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে