হৌখিবা কুমশিং ২০২৩ গী মে অহুমদগী মনিপুরদা হীঙশাগী ঈরাঙ থোক্লকপদগী ঙসী ফাওবা লাঞ্জেন্নরক্তুনা ককচীঙ সব-দিভিজনগী তোঙান তোঙানবা মফমশিংদা হাংবা রিলিফ কেম্পশিংদা চঙজফম লৌদুনা লৈরিবা ইন্টর্নেল্লি দিসপ্লেস পার্সন (আই দি পি) শিংগী মনূঙদগী রিলিফ কেম্প ১১দা লৈরিবা আই দি পিশিং ঙসী মশা -মশাগী ময়ূমশিংদা হঞ্জিলহল্লগনি, মখোয়না লৈরম্বা রিলিফ কেম্পশিং অদূ থূপচীল্লগনি হায়না ককচীঙগী এস দি ও ওইনা লৈরিবা খের্দানন্দনা ওর্দর অমা থোকখ্রে।
মোরে অমসুং নাপৎতগী লাঞ্জেন্নরক্তুনা রিলিফ কেম্পশিংদা লৈরক্লিবা আই দি পিশিং অসীদি অতোপ্পা রিলিফ কেম্পশিংদা হোংজিলহল্লগনি হায়না এস দি ওগী ওর্দর অদূদা ফোঙদোক্লি।মশা মশাগী য়ূমদা হঞ্জিলহনখ্রগদবা রিলিফ কেম্পশিং অদূদি, ওল্ড এজ হোম ককচীঙ, কালিয়ান আশ্রম ককচীঙ, ইন্দোর ষ্টেদিয়ম ককচীঙ, কোঙ্গোই বজার কম্যুনিটি হোল, এস সি/এস টি হোষ্টেল, কে এম সি, য়ূম্বীমচা হায় স্কুল, কৈরক সনাতোম্বী হায় স্কুল, হীয়াঙলম গার্লস জুনিয়র হায় স্কুল, সেকমাইজিন মনীঙ লৈকায় পঞ্চায়েট ঘর, লমজাউ অপ্পর প্রাইমারি স্কুল অমদি লাংমৈদোং হায়র সেকেন্দরি স্কুল, হায়রিবা মফমশিং অসীদা হাংবা রিলিফ কেম্পশিংদা লৈবা আই দি পিশিং অসীনি।
মমাঙগী পি আর লৈঙাক্কি মতমদসু ঙসী মার্চ ৩১ ফাওবগী মনূঙদা আই দি পি অয়াম্বা মশা-মশাগী য়ূমদা হঞ্জিলহল্লগনি হায়না লাউথোকপা লৈখ্রবনি।
You may also like
-
মীওই অহুম দেঙ্গী পোজিটিব ওইরে
-
লিয়াংমৈ নাগাগী নূপীশিংনা হোষ্টেজ তরুক থাদোক্নবা রেল্লি চৎখ্রে
-
মীরৈবাক্তগী লান্দারক্লফাও লৈঙাক্না য়েংদুনা লৈরি, আই আর বি নত্রগা মনিপুর রাইফলগী বট্টালিয়নশিং ঙমখৈ পরীংদা থম্মু: সি এস ওশিং
-
লূপ-৫ গী থৌমীশিংনা শীন্দুনা মীয়ামগী ৱাকৎ-মীফম পাঙথোকখ্রে
-
পন্দূনা লৈরকখিবা গারি ২৯৩ সেক্যুরিটিনা এস্কোর্ট তৌদুনা ইম্ফাল য়ৌরকখ্রে