জুবেন্টস হেল্থকেয়র লিমিটেদ মথৌ নীঙথীজনা তৌরি

ইন্দিয়াগী মকোকথোংবা ফার্মাস্যুটিকেল কম্পেনি অমা ওইবগী মথক্তা বি এস ই অমদি এন এস ইগী লিষ্ট তসু চন্দুনা এমক্যুর ফার্মাসিউতিকেলস গী সবসিদ্যারি অমা ওইদুনা, ষ্টেকহোল্ডর লাখ কয়াগী রিকগনিসন অমসুং থাজবা মাঙহন্দনা ঙসীফাওবা মীয়ামগী অনা-লায়েংগী হীদাক-লাংথকশিং য়াম্না মগুন লৈনা শেম-শাদুনা লাক্লিবা জুবেন্টস হেল্থকেয়র লিমিটেদ হায়রিবা ফার্মাসিউতিকেলস কম্পেনি অসী ঙসীসু লৈবাক অসীগী মফমশিং শীন্থুংবদা ফীল্ড ষ্টাফশিং থমদুনা নীঙথীজনা থবক-থৌরমশিং লেপ্তনা চত্থরি হায়না কম্পেনি লিমিতেদ অসীগী মায়কৈদগী খঙহল্লক্লি ক্লি।

হন্দক মায়কৈ অমরোমদগী অরানবা পাউ শন্দোরক্তুনা, জুবেন্টস হেল্থকেয়র লিমিটেদ হায়রিবা কম্পেনি অসী থবক তৌখিদ্রে, তোকখ্রে অমসুং জোরভিয়া হেল্থকেয়র লিমিটেদ কৌবা কম্পেনি অমদা এফিলিয়েট তৌখ্রে অদূগা হৌজিক্না কম্পেনি অসীগী এসেটনচিংবা অতোপ্পা কম্পেনী অমদা ট্রান্সফর তৌখ্রে, পীথোকখ্রে হায়বনচিংবা ৱাফম অমা থোরক্লিবদু য়াম্না অরানবনি হায়রক্লি।

মীয়াম্বু অরানবা মায়কৈদা লমজীঙনবা হোৎনরক্লিবা তোকঙা অসীদা কম্পেনি অসীগী ষ্টেকহোল্ডরশিং অমসুং সধারন মীয়াম্না পঙথবিরোইদবনি, থাজবা থম্বিরোইদবনি হায়বা ৱাফমশিং জুবেন্টস হেল্থকেয়র লিমিটেদ না খঙহল্লকপনি। ষ্টেকহোল্ডর অমসুং মরী লৈনবা মীয়ামদা খ্বাইদগী অৱাংবা থাক্তা মতীক-মগুন লৈরবা ক্বালিটিদা অতোপ্পা কম্পেনিশিংনা তমজনিঙায়গী মশক ওইরবা হীদাক-লাংথকশিং পুথোক্লিবা ফার্মাসিউতিকেলস কম্পেনি অমনি হায়না ফোঙদোরক্লি।

কনাগুম্বা মান্নবা নত্রগা থৌওং মান্নদবা কম্পেনি অমত্তগা পূন্সীন্দুনা থবক তৌখিবা লৈত্রি অদুগা মতূঙদসু অসীগুম্বা থৌওং অমত্তা লৈরোই, লো না পীবা রুলস অমদি গাইদলাইন মপূঙফানা ঙাক্তুনা খ্বাইদগী হেন্না মগুন লৈবা মেদিসিন পুথোকপগী থবক চত্থদুনা লৈখিগনি হায়রি।