লৈবাক অসীগী খ্বাইদগী অৱাংবা ৱায়েন লোয়শঙ অমা ওইরিবা সুপ্রিম কোর্টকি চিফ জষ্টিস ওইনা থৌ পুদুনা লৈরক্লিবা জষ্টিস বি আর গাভাইনা চৎলিবা নবেম্বর থা অসীগী ২৩ দা থবক্কি মতম লোইরদুনা পোত্থাখিবগা লোয়ননা জষ্টিস সুর্য কান্ট না এপেক্স কোর্ট অসীগী ৫৩ শুবা চিফ জষ্টিস ওইনা ৱাশক লৌখ্রে।
রাষ্ট্রপতি ভবন্দা পাঙথোকখিবা মহাক্কি ৱাশক লৌবগী থৌরমদা প্রেসিদেন্ট দ্রৌপদি মুর্মু না সুর্য কান্টবু থবক পায়বা অমসুং অরোনবা ঙাকপগী ৱাশক লৌখি।থৌরমদুদা ভাইস প্রসিদেন্ট সি পি রাধাক্রিষ্ণন,প্রাইম মিনিষ্টর নরেন্দ্র মোদি অমদি অতৈ য়ুনিয়ন মিনিষ্টরশিং শরুক য়াখি।
জষ্টিস সুর্য কান্টনা মমাঙদা পীখিবা মরুওইবা জজমেন্টশিংগী মনূঙদা কন্সটিট্যুসনগী আর্টিকল ৩৭০ রিভোক তৌখিবা,বিহারদা ইলেক্টোরেল রোল রিভিজনগী থবক লৌখৎনবা জজমেন্ট পীবা,পিগাসস স্পাইৱ্যের কেস অসীনচিংবনি। জষ্টিস সুর্যকান্টনা কুমশিং ২০২৭ কি ফেব্রুয়ারি ৯ ফাওবা, মশাগী চহী ৬৫ য়ৌবফাওবা চিফ জষ্টিস ওইনা থৌ পুরবা মতুংদা থবক্তগী পোত্থাগনি হায়রি।
You may also like
-
ইসিআই গী থৌওং য়ানিংদবা ফোঙদোক্তুনা কংগ্ৰেসনা প্রোটেষ্ট রেল্লি পাঙথোকখ্রে
-
এন আই এনা আইজোলদগী কুকি নহা অনী ফাগৎখ্রে
-
লুহোংবদা শেল চঙমনবনা ঐখোয়গী নহারোলশিং মতম চানা য়ূম পান্দবদগী মৈতৈগী মীশীং হন্থবা ওইরম্লে: নাউখম্বা
-
ওজা ১৪ দা মায়চৌ কোনোক থেঙ্গ্রা নীশীং মনা লান্থোকখ্রে
-
পি আর পি কৌবা রিজনেল পোলিটিকেল পার্টি অমা শাফোঙখ্রে