ইম্ফাল ইষ্ট দিষ্ট্রিক্টকি থোংজু কেন্দ্রগী মনূঙচন্না লৈরিবা জুবরাজ পল্লি হায়না খঙনরিবা লম্বী অসী হন্দক্কি নোং লেপ্তনা হৈথখিবা মতমদা তুরেল তোর্বান কায়বা হৌরকপদগী খূদক্কি ওইনা তোর্বান থিংনবনি হায়দুনা মফমদুগী অরৈবা লৈবাকশিং ঙম্নমক কোত্তুনা লৌথোকখ্রবা মতূঙদা মখাতানা লৈবাক থোঞ্জিন্দবদগী পাফোর শেগায়বগী শক্তমগা চপ মান্ননা মশীঙ থীঙমদ্রবা কোমকুৎ- কোমজাউশিংগী গেলেক্সি অমা ওইদুনা, মীওইবনা চৎহৈদ্রবা, ভূৎ-প্রেটশিংগী চাক্তাফম অমগা চপ মান্ননা লৈরি।
লম্বী অসীদা কোমজাউ মশীং থীঙমদনা লৈখিবদগী লম্বীদা লাকপা গারীশিংগী থৈদোক- থৈজীন তৌনফম অসূক্কি মতীক খুদোংচাদ্রবা অমা হায়বদু ওইরি। ঙরাং অয়ূক পূঙ ৯ লোম তারকপদসু মপানা স্কুল নংহৌররোই হায়দুনা মোটোর সাইকলগী মনীঙদা তোংহল্লগা স্কুলদা থিল্লকখিবী নৌরিবী নূপীমচা অমা, গারি মচাদু টাটা ট্রক অমগা থৈনবদা শোয়দুনা কোমকূৎ অমদা থৌধরুবদা লোংনা হাইথরকপদগী ৱান্থখিবদা মনাক অদূৱায়দা লাকখিবা ইকো ভেন অমদা মীয়াম্না হাপকৎলগা হোস্পিটালদা পুদুনা য়াম্না অরুবা ফীভমদা লায়কন্নখ্রে।
উচেক্কোন তাখোক মপাল্লোমদগী ঈশীঙ পীক থন্না পুরকখিবা টাটা ট্রক অমা ওক্রম চুথেকলোমদা লাকপদা গারি মচা তোংলকপা মপা-মচা অনীদুনা থৈদোক্ননবা হোৎনবদা কোমকুৎ অমদা থৌধরুবনি। খূদক অদুদা তুংদা তোংলকখিবী নূপীমচা মহৈরোয় অদূ লোংনা হাইথরক্লগা গ্যান মাঙদুনা লৈখিবদগী মনাক অদুৱাইদা তাঞ্জাদুদা লাকখিবা ভেন অদূ মীয়াম্না হায়জরবা মতূঙদা মপা-মচা অনীদু হোস্পিটালদা চৎখি হায়রি।
You may also like
-
নেস্নেল হায়ৱেশিংদা মনীঙ তম্না মীয়াম্না চত্থোক-চৎশীন তৌবা ঙমহন্নবা মনিপুর হায় কোর্ট তা মালেম্না ৱাকৎখ্রে
-
আই দি পিশিংনা ময়ূমদা হঞ্জিঞ্জরগে হায়বদা অথীংবা পীরিবসি কনাননো থিগৎপা তঙায় ফদ্রে: খেমচান্দ
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর