নহারোলবু শক্তি পীবা, গ্রোথ লৈহনবা: ইকাই খুম্নরবা মিজোরামগী মুখ্য মন্ত্রী শ্রী লালদুহোমা অমসুং ইকাই খুম্নবা কেন্দ্রগী মন্ত্রী শ্রী জয়ন্ত চৌধরীনা নোর্থ ইস্ত এপপ্রেন্তিসশিপ পাইলোৎ স্কিম হৌদোকখ্রে

ইনক্লুসিব গ্রোথ অমসুং রিজনেল এম্পাৱরমেন্তকীদমক ভারত সরকারগী অচেৎপা ফিরেপ অদু অমুক হন্না ফোংদোক্লদুনা, স্কিল দিবেলপমেন্ত অমসুং ওন্তপ্রিন্যুওরশিপ মন্ত্রালয় (এম.এস.দি.ই.) না ঙসি অৱাং-নোংপোক লমদম (এন.ই.আর.) দা এপপ্রেন্তিসশিপ ত্রেনিং প্রমোৎ তৌনবা স্ত্রেতেজিক পাইলোৎ স্কিম অমা হৌদোকখ্রে। স্কিম অসি মিজোরামগী মুখ্য মন্ত্রী শ্রী লালদুহোমা অমসুং স্কিল দিবেলপমেন্ত অমসুং ওন্তপ্রিন্যুওরশিপ মন্ত্রালয়গী রাজ্য মন্ত্রী (ইন্দিপেন্দেন্ত চার্জ), শ্রী জয়ন্ত চৌধরীনা আইজোলদা পুন্না হৌদোকখি। প্রধান মন্ত্রী শ্রী নরেন্দ্র মোদীগী অষ্ট লক্ষ্মী অমসুং বিক্সিত ভারত, বিক্সিত নোর্থ ইস্তকী মঙলানদা য়ুম্ফম ওইদুনা, থৌরাং অসিনা লমদম অসিগী নহাশিংদা মওং চুম্বা, শেল পীবা অমসুং অৱাংবা থাক্কী এপপ্রেন্তিসশিপগী খুদোংচাবশিং ফংহন্নবা পান্দম থম্লি। মরুওইবা শেলগী তেংবাং পীনবা খোঙথাং অমা ওইনা, লমদম অসিগী নহারোল ২৬,০০০ হেনবনা নেস্নেল এপপ্রেন্তিসশিপ প্রমোসন স্কিম (এন.এ.পি.এস.) গী খুত্থাংদা পীরিবা রিগুলর স্তাইপেন্দ অদুগী মথক্তা পাইলোৎকী মখাদা চহি অমগী ওইনা থা অমদা অহেনবা লুপা ১৫০০ ফংলগনি। মসিগী সপোর্ত অসি অৱাং নোংপোক্কী লমদমদগী এপপ্রেন্তিসশিংনা অৱাং নোংপোক্কী মনুংদা অমসুং মপান্দা ত্রেনিং লৌনবগীদমক পীরি, মসিনা খুদোংচাবশিং ফংনবগীদমক মোবিলিতী অসি অপনবা অমা ওইহন্নদনবা হোৎনরি। পাইলোৎ অসিগীদমক অপুনবা লুপা করোর ৪৩.৯৪গী শেনফম খাক্তুনা থম্লে, মসিগী মনুংদা লুপা করোর ৪ অসি আউতরিচ, কেপাসিতী বিল্দিং অমসুং প্রোজেক্ত ইমপ্লিমেন্তেসনগীদমক্তনি।

হৌদোকপগী থৌরম অদুদা ৱা ঙাংলদুনা, শ্রী জয়ন্ত চৌধরী, ইকাই খুম্নরবা মন্ত্রী (আই/সি), এম.এস.দি.ই.না হায়খি: “এন.এ.পি.এস.গী মখাদা অখন্নবা পাইলোৎ ইনিসিএতিব অসি হৌদোকপা অসিনা অৱাং নোংপোক লমদমদা এপপ্রেন্তিসশিপ প্রমোসনগীদমক মশক থোকপা মীকুপ অমা ওইরে। মসিনা ঐখোয়গী নহারোলশিংদা তশেংবা ইন্দস্ত্রীগী এক্সপোজরগী থোঙ হাংহল্লি – মসিনা মখোয়দা ফেক্তরী ফ্লোরদা চঙবা, হৌজিক্কী মতমগী ইন্দস্ত্রীগী দাইনামিকশিং খঙবা অমসুং মখোয়গী স্কিলশিং অদু অশেংবা মালেমগী দিমান্দগা চান্নহনবা ঙমহল্লি। ইন্দস্ত্রীগীদমক্তদি, মসিনা তেলেন্তশিংগা ঙন্না মরী লৈননবা অমসুং ইভেল্যুএৎ তৌনবা ত্রান্সপরেন্ত মেকানিজম অমা পীরি। মসি ত্রেনিংগী লম্বী অমা খক্তা নত্তে, মসি থবক ফংহন্নবগী লম্বী অমা ওইরি।  ঐহাক্না মরুওইনা মপাঙ্গল লৈরবা মাইকৈ অমদা মীৎয়েং চঙবা পাম্মি: খোঙচৎ অসিদা নুপীশিংনা লৌরিবা মরুওইবা থৌদাং অসিনি। অৱাং-নোংপোক লমদম, মসিগী তোপ তোপ্পা কলচরেল ইথোসকা লোয়ননা, মতম পুম্নমক্তা নুপীশিংনা লুচিংবা এম্পাৱরমেন্তদা চেম্পিয়ন ওইদুনা লাক্লি। পোলিসী লেভেলদসু ঐখোয়না মসিবু মপাঙ্গল কনখৎহন্নবা হোৎনরি। লমদম অসিদা এন.এ.পি.এস. ইমপ্লিমেন্ত তৌবগী মতুং ইন্না ফংলকপা দেতা অসিনা ময়েক শেংনা নুপীশিংনা শরুক য়াবগী চাং হেনগৎলকপা উৎলি। মসিনা অৱাং নোংপোক লমদম অসি ভারত শিনবা থুংনা জেন্দর রেস্পোন্সিব স্কিলিংগীদমক আশাগী মৈরা অমা ওইহল্লি”।

মিজোরমগী মুখ্য মন্ত্রী শ্রী লালদুহোমানা হায়খি: ভারত সরকারগা লোয়ননা খুৎশম্নবা অসিনা মিজোরম অমসুং অৱাং-নোংপোক্কী নহারোলশিংগীদমক অনৌবা লম্বী অমা হাংদোক্লগনি। শেলগী তেংবাং, মগুন লৈবা ত্রেনিং অমসুং ইন্দস্ত্রীগা মপাঙ্গল কনবা মরীগা লোয়ননা, খোঙথাং অসিনা ঐখোয়গী নহা ওইরিবা নাগরিকশিংদা – অৱাং-নোংপোক লমদমদা ওইরো নত্রগা লৈবাক শিনবা থুংনা ওইরো – ভারতকী চাউখৎলক্লিবা শেন্মিৎলোনগী লেন্দস্কেপ অসিদা মখোয়গী ফংফম থোকপা মফম অদু ফংনবগী শক্তি পীরি। ইকাই খুম্নরবা মন্ত্রীজী, অদোম্না মফম অসিদা লাকপা অসিনা ঐখোয়গী নহারোলশিং অমসুং ঐখোয়গী সরকারদা ঐখোয়গী মীয়াম্বু শক্তি অমসুং ইকাই খুম্ননা মাই পাকহন্নবা থৌনা পীবা, থবক ওইনা পাংথোকপা য়াবা অমসুং থবক ফংহনবদা য়ুম্ফম ওইবা স্কিলশিং য়োকখৎনবা পুক্নিং থৌগৎলি। মিজোরমদা দেমোগ্রাফিক্কী ওইবা তোপ তোপ্পা খুদোংচাবা লৈ। ঐখোয়গী অৱাংবা লাইরিক হৈবগী চাং অসি, অচুম্বা স্কিলিং ইন্তরভেন্সনগা পুনশিন্নরগা, অচৌবা পোতেন্সিএল অমা ফংহনবা ঙমগনি। ঐখোয়গী নহাশিংনা তম্বা পাম্মি অমসুং লুচিংবা পাম্মি। ঐখোয়না ঐখোয়গী হেরিতেজ স্কিলশিংদা চাউথোকচবা ফাওই, মখোয়শিং অসি মীরোল কয়াদগী থংথদুনা লাক্লি, অমসুং হৌজিক্তি মখোয়শিং অসি মোদর্ন প্রোফেস্নেল স্তেন্দর্দশিংগা মান্নহল্লি। ৱর্ল্দ স্কিল্স ২০২২দা ঐখোয়গী নহাশিংনা মালেমগী থাক্তা শরুক য়াদুনা ঐখোয়বু চাউথোকচবা পোকহল্লে। এম.এস.দি.ই.গী মখা তানা শৌগৎপগা লোয়ননা – করেক্সন ফেসিলিতীশিংদা প্রোগ্রামশিং অমসুং নুপীশিংদা মীৎয়েং থম্লিবা প্রোগ্রামশিং য়াওনা – ঐখোয়না মীপুম খুদিংমক্কীদমক ইনক্লুসিবিতী অমসুং এস্পিরেসন লৈহন্নবা হোৎনরি। রাজ্য অসিনা হৈ-শিংলবা, থাজবা অমসুং থবক পীবা ঙম্বা নহাশিংগী লেপ্তনা পাইপলাইন অমা লৈহন্নবগীদমক্তা কমপ্রিহেন্সিব স্কিল দিবেলপমেন্ত অমসুং ওন্তাপ্রিন্যুওরশিপ প্লান অমা শেমখ্রে। পুন্না ঐখোয়না হেন্না মপাঙ্গল কনখৎপা অমসুং হেন্না শক্তি লৈরবা মিজোরাম অমা শেমগৎলি।”