জপানগা কোল্লাবোরেট তৌদুনা হৌজিক্কি মতম অসীগা চানরবা, মীয়াম্না খ্বাইদগী পাম্নরক্লিবা অমসুং জেরো কার্বোন ইম্মিসনগী গারী কয়ামরুম পুথোকপদা মালেম্না শকখঙনরক্লিবা টোয়োটা কিরলোস্কর মোটোর(টি কে এম) প্রাইভেট লিমিটেদ হায়রিবা কম্পেনি অসিনা মালেমগী ওইনা অইং-অশাগী খলদা অকায়বা থোক্লক্লিবা, ঈশীঙ-নুংশিৎকি অহোংবা কয়া লাক্তুনা অমদি কার্বোন থাদোকপগী চাং হেঙ্গৎলকপদগী মীওইবা খুন্নাইনা মালেম অসীদা হিংবদা পীরক্লিবা অকনবা চৈথেঙ ময়াম অসীদগী ঙাকথোক্তুনা মীওইবা অমদি অতৈ লম্লক্কি অচৎ-চত্তা জিব পানবশিং তুংকোইনা হিংদুনা লৈবা য়াননবা মখল কয়াগী থবক-থৌরমশিং পায়খৎলম্বা হন্দক থেংনরুবদা অঙকপা পোকই। মেন্যুফেকচরিং ইন্দষ্ট্রিদা লৈবা কম্পেনি হায়বা অসিমক্তি মহৌশানা মখল মখা কয়াগী পোৎলমশিং শাদুনা মালেমগী কৈথেলশিংদা শেন্দোং ফংননবা হোৎনবদা এনভাইরনমেন্ট অমদি মীওইবা খুন্নাইদা মাঙজরক্কদবা, শোক্লক্কদবা কয়াদু থোইনা খন্থরুবা তৌদনা কম্মর্সিয়েল লাইন্দা অয়াম্বনা কোক থাধনরগা অথোই-অহেন তান্নরগা মাগী মাগী পোত্থোকশিংদু মালেমগী কৈথেলশিংদা হেন্না পোপ্যুলর ওইহন্ননবা, মীয়াম, কষ্টমরশিংনা হেন্না পাম্নহন্নবা থবক তৌনরিবা ঙাক্তনি। অমরোমদা, টোয়োটা কিরলোস্কর মোটোর (টি কে এম) হায়না খঙনরিবা, ইন্দিয়াগী বেঙ্গলুরুগী রামনগর দিষ্ট্রিক্ট মনূঙচন্না বিদাদি লমদমদা লৈরিবা মেন্যুফেকচরিং কম্পেনি অসিদি অতৈ ইন্দষ্ট্রিয়েল য়ুনিটশিং অমসুং মেন্যুফেকচরিং কম্পেনিশিংদগী তোপতোপ্পা মওংদা হ্যুমেন রিছোর্স চাওখৎহন্ননবা, মালেমদা কার্বোন ইম্মিসনগী রেট হন্থহন্ননবা, মালেমগী অকোয়বগী ফিভম য়োকখত্তুনা অঈঙ- আশাগী খল ঙাক্তুনা থম্ননবা, দিজাষ্টর মেনেজমেন্টকি থবক পায়খৎনবা, উমং- ৱামঙ ঙাক-শেন্দুনা থম্নবা অমদি খুন্নাইদা খ্বাইদগী শোত্থনা লৈরবা ঈমূঙশিংগী অঙাঙশিংবু য়োকখত্তুনা লেম্না টেক্নিকেল ইদুকেসন পীরবা মতূঙদা মতীকচাবা অমদি ওন্ট্রপ্রিনিয়র অমমম ওইহন্ননবা হোৎনরিবা, মীওইবা খুন্নাইগী সেবাদা কত্থোক্লবা মেন্যুফেকচরিং কম্পেনি অমা ওইরম্বা থেংনরকখিবসি য়াম্না ঙক্না থোকই।
কম্পেনি অসিগী একর ৪৩২ পাক চাউবা কেম্পস মনূঙদা য়োগা ট্রেনিং য়াওবা জেনরেল ইদুকেস্নেল ইন্সটিটিউট কয়াসু শেমগত্তুনা লায়রবা মহৈরোয়শিংদা লেম্না ইদুকেসন পীরি। কম্পেনি অসীগী তোঙান তোঙানবা রিজনেল সেন্টরশিং দিল্লরনচিংবা ইন্দিয়াগী অৱাং নোংপোক লমদমদসু অথুবা মতমদা লিংখৎনবা থৌরাং তৌরক্লি। পেট্রোল দিজল অমদি বেট্টরি শিজিন্নরগা চেনবা মখল কয়াগী অয়াঙবা অমসুং মতম শাংনা চৎপা গারিশিং শাবদা মালেমদা মমীং চৎখৎলক্লিবা টি কে এমনা মশীগী অচেৎপা অমদি য়াম্না দাইনামিক ওইবা ভিজন অমগী মখাদা লম একর ২৫ হেন্না পাক- চাউরবা মফমদা ইকো- পার্ক নত্রগা ইকো- জোন শেমগত্তুনা মহৌশাগী শক্তম ঙাক্লি। খ্বাইদগী হেন্না শোত্থরবা অঙাঙশিং খনগত্তুনা লেম্না টেক্নিকেল ট্রেনিং পীদুনা চহী অহূমগী ট্রেনিং কোর্স পীরবা মতূঙদা খুন্নাইগী খ্বাইদগী হেন্না মরুওইবা মীওই অমমম ওইহন্ননবা থবক পায়খৎলি।মসিগীদমক বেঙ্গলুরুদা টোয়োটা টেক্নিকেল ট্রেনিং ইনস্টিটিউট (টি টি টি আই) কৌবা ইন্সটিটিউট অমা হৌখিবা কুমশিং ২০০৭ তগী লিংখত্তুনা হ্যুমেন রিছোর্স শেমগৎপগী থবক চত্থরক্লি।
মনিপুরদসু অসীগুম্বা টি কে এমগী সেন্টর অমা য়াম্না থুনা হাংদোক্নবা শেম শাবা হৌখ্রে। কম্পেনি অসীনা এনভাইরনমেন্ট ফ্রেন্দলি ওইবা ইন্নোভা হাইক্রোস, লেক্সস, কোরোল্লা, প্রাইয়স, মিরাই, ইন্নোভা ক্রিষ্টা, লেজেন্দর, ফোরচুনর, কেমরি, অর্বান ক্রুইসর, হাইরাইদর, হিল্লক্স, গ্লাঞ্জা, রুমিয়ন, অর্বান ক্রুইসর টাইসর নচিংবা ইথানোল, বেট্টরিনা চল্লাইবা, কার্বোন জেরো ওইবা অদুগা মীয়াম্নসু য়াম্না পাম্নরিবা অনৌবা মখলগী গারিশিং পুথোক্লি। কম্পেনি অসিগী রিজনেল য়ুনিটশিং ইম্ফালদা হাংদোরকপা মতমদুদা লমদমসিগী থবক ফংদ্রিবা ঐখোয়গী নহারোল কয়াদা থবক পীরক্তুনা ঈরমদম অসীগী শেন্মিৎলোন চাওখৎহনবদা অচৌবা মতেং ওইরগনি হায়বগী অচেৎপা থাজবা লৈরি।মতমদুদা ঐখোয়গী লমদম অসীসু বেঙ্গালুরুগী মতৌগুম ইন্দষ্ট্রিদা চাওখৎলবা, লম্বী-থোং, কম্যুনিকেসনগী হীরমশিং অমসুং অতৈ মরী লৈনবা সেক্তরশিং মথঙ-মথঙ ফীভম ফগৎলক্লগনি হায়বগী থাজবসু লৈ।