অদূঙৈ কুমশিং ২০১৮ গী মতমদা ষ্টেট লৈঙাক্না নোটিফিকেসন অমা থোক্তুনা ১০ শুবা অমসুং ১১ শুবা আই আর বি/ এম আরগী জমাদারশিং লৌননবা রিক্রুটমেন্ট পাঙথোকখ্রগা মদূগী রিজল্ট ঙসিফাওবা লাউথোকপিদনা, নমশীন্দুনা থম্বগী মায়োক্তা কন্না য়ানিংদবা ফোঙদোক্তুনা রিক্রুটমেন্ট অদূদা শরুক য়াখিবা কেন্দিদেটশিংনা ৱাকৎ মীফম চত্থখ্রে।
ইম্ফালগী কৈশাম্পাৎ লৈমজম লৈকায়দা লৈবা য়াইফা থৌনি কম্যুনিটি হোলদা তোঙান-তোঙানবা খোল্লাও ইবা প্লেকার্দ পায়রদুনা কেন্দিদেটশিং অদূনা য়ানিংদবগী খোঙজঙ চঙশীনখিবনি। ঙসী ফাওবা চহী তরুক হেল্লক্লবসি ফাওবদা রিক্রুটমেন্ট অদূগী ফল নমশীন্দুনা থম্বীরে, কেন্দিদেটশিং ভিক্তিমাইজ তৌবিরিবসি খ্বায়দগী লাইবক থীবনি হায়না কেন্দিদেটশিং অদুনা পাউমীশিংদা ফোঙদোকখি।
লৈঙাক্না কেন্দিদেটশিং অসীবু মীরায়বিদুনা থবক চঙবগী চহীগী মতমসু হেন্দোকপা য়াওনরে। মসী য়াম্না তৌহৈদবা অমনি হায়না পেন্দবা ফোঙদোরকখি। চপ মান্নবা মতমদা রিক্রুটমেন্ট টেষ্ট তৌমিন্নখিবা তরাশুবা অমসুং তরামাথোইশুবা আই আর বি অমসুং এম আরগী রাইফলমেন শিংগীদি ফল লাউথোক্তুনা থবক তৌনখ্রে অদুগা জমাদারশিংগীদি হৌজিকফাওবা নমশিন্দুনা থম্বিরিবসি য়াম্না পেন্দে হায়খি। লৈঙাক্না হীরম অসীদা অথূবা মীৎয়েং চঙবিদুনা জমাদারশিংগী রিক্রুটমেন্ট কি ফল লাউথোকপিয়ু হায়না লৈঙাক্কি মফমদা আপিল তৌরকখি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে