ক্বিন পাইন এপ্পল হায়না খঙনরিবা, য়াম্না অখন্নবা মহাও লৈরবা মনিপুরগী ওরগানিক কিহোম দিল্লি হাটতা য়োল্লুনবগীদমক ঙরাং ফ্লাইট্টা পুখ্রে। মমাঙদসু লমদম অসীগী কিহোম মেট্রিক টন ৩০ দুবাইদা থারক্ননবা খঙহল্লকখ্রবনি অদূবু হৌজিক ষ্টেট অসীদা মায়োক্নরিবা হীঙশাগী ঈরাং অসীনা মরম ওইদুনা থাবা ঙমখিদবনি হায়না ঙরাং দিল্লিদা কিহোম মেট্রিক টন অমা থাদোকখিবা থৌরমদুদা ৱা ঙাঙবদা ষ্টেট লৈঙাক অসীগী হোর্টিকলচর এন্দ সোইল কঞ্জার্বেসন লোয়শঙগী কম্মিস্নার থাইহুইলূঙ পান্মৈনা ফোঙদোকখি।
মনিপুরগী মহাও হেন্না লৈরিবা কিহোম মখল অসী মালেমগী তোঙান- তোঙানবা লৈবাক কয়ানা হেন্না পাম্নরকপগা লোয়ননা ওর্দর মথং মথং তৌনরকলিবনি। ষ্টেট অসীদা ট্রেন য়ৌরকপা মতমদদি কিহোমখক্তা নত্তনা মনিপুরগী হোর্টিকলচরগী পোত্থোক কয়ামরুম মালেমগী লৈবাকশিংদা য়োনবা ঙম্লক্লগনি। মতমদুদদি ঐখোয়গী লৌমী-শিন্মিশিং অসীগী অমদি ষ্টেট অসীগী শেল-থুমগী ফীভমসু হেন্না ফগৎহনবা ঙম্লক্কনি হায়বগী থাজবা ৱাংনা লৈ হায়না কম্মিস্নার থাইহুইলূঙ পান্মৈনা মখাতানা ফোঙদোকখি।
ক্বিন পাইনএপ্পল হায়রিবা কিহোম মখল অসী মঙাল ওরগানিক কৌবা ফার্মর্স প্রদ্যুসর কম্পেনি অমনা ষ্টেট লৈঙাক অসীগী হোর্টিকলচর এন্দ সোইল কঞ্জার্বেসন দিপার্টমেন্টগা খূৎশম্নরগা পুথোকপনি হায়খি।
You may also like
-
ইসিআই গী থৌওং য়ানিংদবা ফোঙদোক্তুনা কংগ্ৰেসনা প্রোটেষ্ট রেল্লি পাঙথোকখ্রে
-
এন আই এনা আইজোলদগী কুকি নহা অনী ফাগৎখ্রে
-
লুহোংবদা শেল চঙমনবনা ঐখোয়গী নহারোলশিং মতম চানা য়ূম পান্দবদগী মৈতৈগী মীশীং হন্থবা ওইরম্লে: নাউখম্বা
-
ওজা ১৪ দা মায়চৌ কোনোক থেঙ্গ্রা নীশীং মনা লান্থোকখ্রে
-
পি আর পি কৌবা রিজনেল পোলিটিকেল পার্টি অমা শাফোঙখ্রে