নাগালেন্দ গা তাইননা লৈরিবা মনিপুরগী সেনাপতি দিষ্ট্রিক্ট মনুঙচন্না লৈরিবা জুকো ভেল্লিদা হাংবা আই আর বি পোষ্টতা সেন্ট্রি দ্যুতি তাদুনা লৈবা আই আর বিগী হবিলদার অমা হৌখিবা য়ূমসকৈশা নুমিত্তা সোফিষ্টিকেটেদ ওইবা খূৎলায় অনী অমসুং নোংমৈ মরূ ৪০০ রোম পুরগা লোন্না চেন্থোকখ্রে হায়না পুলিসকি পাউ অমনা ফোঙদোরক্লি।
মাও পুলিস ষ্টেসনগী মনূঙচন্না লৈরিবা জুকো ভেল্লিদা হাংবা আই আর বিগী পোষ্টতা সেন্ট্রি দ্যুতি তাদুনা লৈবা হবিলদার অদুগী মমীংনা লেটখোগীন তৌথাং, অপোকপা তাংশৈ তৌথাং কৌই, কাংপোকপী দিষ্ট্রিক্ট কি মনুঙদা সাইকুল পুলিস ষ্টেসনগী জুরিসদিক্সন মনুঙচন্না লৈবা মোলকোন ভিল্লেজদগীনি হায়রি।
মহাক্না মরূ পীক থন্না য়াওরিবা মেগজিন অমা য়াওবা ইন্সাস রাইফল অমা, মেগজিন লোদ তৌরবা কেলিবর রাইফল অমগা লোয়ননা নোংমৈ মরূ ৩০০, পূন্না মরূ ৪০০ রোমগা কোন্ননা লোন্না চেন্থোকখিবনি হায়রি। মহাক্কি মথক্তা অকনবা লিগেল এক্সনগা লোয়ননা কোর্ট-মার্সিয়েলগী চার্জ অমসুং ইমপ্রিজনমেন্ট মায়োক্নরগনিসু হায়রক্লি।
মহাক্না পুখ্রবা খূৎলায়শিং অদূ মীফত্তশিংগী খূত্তা তাখিদুনা পব্লিক সেফটি অমসুং সেক্যুরিটিদা চাউনা শীঙনবা কয়া মায়োক্নরকপা য়াবনা খুদোংথীনিঙাই ওইরি হায়না ওফিসিয়েলশিংনা ফোঙদোরক্লি।
